సంక్షేమ కార్యక్రమాల్లో ఇప్పటికే దేశానికే ఆదర్శంగా నిలుస్తున్న ముఖ్యమంత్రి కె. చంద్రశేఖర రావు నేతృత్వంలోని తెలంగాణ ప్రభుత్వం మరో వినూత్న పథకాన్ని ప్రారంభించింది. రాష్ట్రంలో విద్యార్థుల సంక్షేమం కోసం సీఎం కేసీఆర్ మరో చారిత్రాత్మక నిర్ణయం తీసుకున్నారు. దసరా పండుగ కానుకగా రాష్ట్రవ్యాప్తంగా ప్రభుత్వ ప్రాథమికోన్నత పాఠశాలల్లో చదువుతున్న విద్యార్థులకు “ముఖ్యమంత్రి అల్పాహార పథకం”ను అక్టోబర్ 24 నుంచి ప్రారంభించాలని సీఎం కేసీఆర్ నిర్ణయించారు. నిరుపేద కుటుంబాలకు చెందిన విద్యార్థులకు పౌష్టికాహారం అందించాలని నిర్ణయించి, చదువుపై దృష్టి సారించే దిశగా ప్రభుత్వం అడుగులు వేస్తోంది. రాష్ట్ర ప్రభుత్వం దసరా నుంచి అల్పాహార పథకాన్ని అమలు చేయనుందని, ఈ పథకం ముఖ్యమంత్రి మానవీయ దృక్పథానికి అద్దం పడుతుందన్నారు. వ్యవసాయ కూలీలుగా ఉంటూ ఉదయాన్నే పనులకు వెళ్లే విద్యార్థుల తల్లిదండ్రులు అనేక ఇబ్బందులు పడుతున్నారు. ఈ సమస్యలను అర్థం చేసుకుని, గుర్తించి ఈ పథకాన్ని ప్రవేశ పెడుతున్నారు. సీఎం కేసీఆర్ నిర్ణయం మేరకు రాష్ట్ర ప్రభుత్వం ఈ మేరకు ఉత్తర్వులు జారీ చేసింది. తమిళనాడులో విజయవంతంగా అమలవుతున్న పథకం పై అధ్యయనం చేసేందుకు సీఎం కేసీఆర్ ఇటీవల ఐఏఎస్ అధికారుల బృందాన్ని పంపిన విషయం గుర్తుండే ఉంటుంది. విద్యార్థులకు అల్పాహార పథకం పై అధ్యయనం చేసిన అధికారుల బృందం ప్రభుత్వానికి నివేదిక సమర్పించింది. తమిళనాడులో ప్రాథమిక తరగతుల విద్యార్థులకు మాత్రమే ఈ పథకాన్ని అమలు చేస్తున్నామని సీఎం కేసీఆర్ దృష్టికి తీసుకెళ్లారు. ముఖ్యమంత్రి, మానవతా దృక్పథంతో, ఖర్చు లేకుండా హైస్కూల్ విద్యార్థులకు అల్పాహారం అందించాలని నిర్ణయించారు. ప్రభుత్వం రూ. ఈ కొత్త పథకానికి ప్రభుత్వం ఏటా 400 కోట్లు ఖర్చు చేయనుంది.