• బెల్లంపల్లి ఏరియా ఆసుపత్రికి ప్రత్యేక వైద్యులు

బెల్లంపల్లి, ఆర్.కె న్యూస్:సింగరేణి ఉద్యోగుల సంక్షేమానికి అధిక ప్రాధాన్యత ఇస్తున్న సింగరేణి సంస్థ ఉద్యోగుల వైద్య సేవల కోసం మెరుగైన వైద్య సేవలు అందుబాటులోకి తీసుకు వస్తుందని బెల్లంపల్లి ఏరియా అధికార ప్రతినిధి (పర్సనల్ మేనేజర్) రెడ్డిమల్ల తిరుపతి బుధవారం ఒక ప్రకటన ద్వారా తెలిపారు. ఏరియా ఆస్పత్రిలో వారంలో కొన్ని రోజులు ప్రత్యేక వైద్యులు అందుబాటులో ఉండేలా ఏర్పాట్లు చేశారన్నారు. అందులో భాగంగానే బెల్లంపల్లి ఏరియా ఆసుపత్రి లో ప్రతి శుక్రవారం జనరల్ మెడిసిన్, ఆర్థో సర్జన్, సైక్రియాటిస్టు, మరియు ప్రతి మంగళవారం జనరల్ మెడిసిన్, గైనకాలజిస్ట్, డెర్మటాలజిస్ట్ వైద్యులు అందుబాటులో ఉంటారని తెలిపారు. సింగరేణి ఉద్యోగులు వారి కుటుంబ సభ్యులు ఈ సేవలను సద్వినియోగం చేసుకోవాలని కోరారు.