ఆర్.కె న్యూస్, నస్పూర్: సింగరేణి సంస్థలో ఉద్యోగం చేస్తూ, పిల్లలను ఉత్తమ పౌరులుగా తీర్చిదిద్దడంలో తన కర్తవ్యాన్ని నెరవేర్చిన దుర్గం సారమ్మను ఘనంగా సన్మానించారు. మంగళవారం రామకృష్ణపూర్ ఏరియా ఆసుపత్రిలో విధులు నిర్వహిస్తూ పదవీ విరమణ చేసిన సందర్భంగా సింగరేణి అధికారులు, తోటి ఉద్యోగులు దుర్గం సారమ్మను ఘనంగా సన్మానించారు. పిల్లల చిన్నతనంలోనే భర్త చనిపోవడంతో తాను కుంగిపోకుండా పిల్లలకు మంచి భవిష్యత్తు అందించాలనే తపనతో వారిని ఉన్నత చదువులు చదివించి, మంచి భవిష్యత్ అందించారు. సారమ్మకు ముగ్గురు కుమార్తెలు, ఇద్దరు కుమారులు. మొదటి కుమార్తెకు చిన్నతనంలోనే వివాహం చేశారు. రెండో కుమార్తె విజయ మంచిర్యాల కలెక్టరేట్ లో రెవెన్యూ డిపార్ట్మెంట్ లో సీనియర్ అసిస్టెంట్ గా విధులు నిర్వహిస్తుంది, మొదటి కుమారుడు కృష్ణ సీసీసీలోని ఆంధ్రా బ్యాంక్ లో అకౌంటెంట్ గా,రెండో కుమారుడు మహేందర్ కాగజ్ నగర్ లో ఎస్ఐగా విధులు నిర్వహిస్తున్నారు, మూడవ కుమార్తె గృహిణి. భర్త లేకపోయినా కృంగిపోకుండా పిల్లల కోసం ఎంత కష్టమైన భరించి వారిని ఉన్నత స్థానంలో నిలిపిన సారమ్మను పలువురు అభినందించారు. 1992లో ఉద్యోగంలో చేరి అప్పటి నుంచి నేటి వరకు ఎటువంటి రిమార్క్ లేకుండా ఉద్యోగం చేయడం గొప్ప విషయమని పలువురు అభినందించారు. ఈ కార్యక్రమంలో ఆసుపత్రి సిబ్బంది తదితరులు పాల్గొన్నారు.
