ఆర్ కె న్యూస్ , నస్పూర్: భారతీయ జనతా పార్టీ నస్పూర్ పట్టణ అధ్యక్షులుగా సత్రం రమేష్ ను జిల్లా సంస్థ గత ఎన్నికల ఇంచార్జ్ బద్దం లింగారెడ్డి ప్రకటించారు. ఈ మేరకు గురువారం భాజపా జిల్లా కార్యాలయంలో జరిగిన సమావేశంలో నియామక పత్రం అందజేశారు. ఈ సందర్భంగా పట్టణ అధ్యక్షుడు సత్రం రమేష్ మాట్లాడుతూ, తనపై నమ్మకం ఉంచి మరోసారి పట్టణ అధ్యక్షుడిగా నియమించినందుకు సంస్థ గత ఎన్నికల ఇంచార్జ్ బద్దం లింగారెడ్డి, జిల్లా అధ్యక్షుడు రఘునాథ్ వెరబెల్లి లకు కృతజ్ఞతలు తెలిపారు. నస్పూర్ పట్టణంలో పార్టీ బలోపేతానికి తనవంతు చేస్తానని, ప్రజా సమస్యలపై పోరాటం చేస్తానని తెలిపారు. ఈ కార్యక్రమంలో బిజెపి జిల్లా ప్రధాన కార్యదర్శులు రజనీష్, దుర్గం అశోక్, జిల్లా ఉపాధ్యక్షులు కృష్ణమూర్తి, నాయకులు, కార్యకర్తలు తదితరులు పాల్గొన్నారు.
