6 October 2025

నస్పూర్, ఆర్.కె న్యూస్: సింగరేణి  కాంట్రాక్టు కార్మికుల పెండింగ్ వేతనాలు వడ్డీతో సహా తక్షణమే చెల్లించాలని, లేనిపక్షంలో తెలంగాణ రాజ్యాధికార పార్టీ ఆధ్వర్యంలో ఆందోళన కార్యక్రమాలు చేపడుతామని తెలంగాణ రాజ్యాధికార పార్టీ మంచిర్యాల జిల్లా నాయకులు నలిమెల మహేష్ వర్మ అన్నారు. సోమవారం శ్రీరాంపూర్ జీఎం కార్యాలయం ఎదుట సింగరేణి కాంట్రాక్టు కార్మికులు నిర్వహించిన ధర్నా, నిరసన కార్యక్రమానికి తెలంగాణ రాజ్యాధికార పార్టీ మద్దతు తెలిపింది. ఈ సందర్బంగా తెలంగాణ రాజ్యాధికార పార్టీ మంచిర్యాల జిల్లా నాయకుడు మహేష్ వర్మ మాట్లాడుతూ, సిఆర్ఆర్ కంపెనీ, ఉదయ్ ప్రైవేట్ లిమిటెడ్ కంపెనీలు కాంట్రాక్టు కార్మికులకు 4 నెలల జీతాలు ఇవ్వకుండా, విధులకు తీసుకోకుండా ఇబ్బందులకు గురిచేస్తున్నారని, కాంట్రాక్ట్ కంపెనీ ప్రతినిధులు ఎవరు అందుబాటులో లేకపోవడంతో ఎవరిని సంప్రదించాలో తెలియక  కార్మికులు ఇబ్బందులు పడుతున్నారని పేర్కొన్నారు. ఈ విషయమై శ్రీరాంపూర్ జనరల్ మేనేజర్ ను సంప్రదించగా కాంట్రాక్టు కార్మికుల ఇప్పిస్తానని చెప్పి, ఇప్పుడు సంబంధం లేదని మాట మార్చారని మండిపడ్డారు. మోసపూరిత కంపెనీలకు కాంట్రాక్ట్ ఎలా ఇస్తున్నారని, కార్మికుల శ్రమను దోచుకున్న కంపెనీలపై చర్యలు తీసుకొని బ్లాక్ లిస్టులో పెట్టాలని, సదరు కంపెనీల లైసెన్స్ రద్దు చేయాలని ప్రభుత్వాన్ని డిమాండ్ చేశారు. బాధిత కార్మికులకు తెలంగాణ రాజ్యాధికార అండగా ఉంటుందని భరోసా ఇచ్చారు. ఈ కార్యక్రమంలో తెలంగాణ రాజ్యాధికార పార్టీ నాయకులు పాకాల దినకర్, దాస్యపు దీపక్ కుమార్, పడాల శివతేజ, సిపతి సాయి కుమార్, ఎండి లతీఫ్, కాంట్రాక్టు కార్మికులు తదితరులు పాల్గొన్నారు.

నస్పూర్, ఆర్.కె న్యూస్: శ్రీరాంపూర్ ఓసీపీలో పిట్ కార్యదర్శి ఓరం జగన్, పిట్ కమిటీ సమన్వయంతో సోమవారం సింగరేణి కోల్ మైన్స్ లేబర్ యూనియన్  (ఐఎన్టీయూసీ) సభ్యత్వ నమోదు కార్యక్రమం చేపట్టారు. ఈ కార్యక్రమానికి ఐఎన్టీయూసీ కేంద్ర సీనియర్ ఉపాధ్యక్షులు, శ్రీరాంపూర్ బ్రాంచ్ ఇంచార్జ్ జెట్టి శంకర్ రావు ముఖ్య అతిథిగా హాజరై సభ్యత్వ నమోదును ప్రారంభించారు. ఈ సందర్భంగా ఐఎన్టీయూసీ కేంద్ర సీనియర్ ఉపాధ్యక్షులు మాట్లాడుతూ, సభ్యత్వ నమోదులో శ్రీరాంపూర్ ఉపరితల గని కార్మికులు పెద్ద సంఖ్యలో సభ్యత్వం పొందారని, యూనియన్ స్కానర్ ద్వారా సభ్యత్వ రుసుము చెల్లించి స్వచ్ఛందంగా సభ్యులుగా చేరినట్లు పేర్కొన్నారు. సింగరేణి కార్మికుల సంక్షేమం కోసం సింగరేణి యాజమాన్యం, రాష్ట్ర మంత్రులు, కోల్ బెల్ట్ ప్రాంత ప్రజాప్రతినిధుల సమన్వయంతో నిరంతరం కృషి చేస్తున్న ఐఎన్టీయూసీ సెక్రటరీ జనరల్ బి. జనక్ ప్రసాద్ కు కార్మికులు ప్రత్యేక కృతజ్ఞతలు తెలిపారు. ఈ కార్యక్రమంలో కేంద్ర నాయకులు గరిగ స్వామి, కలవేణి శ్యామ్, తిరుపతి రాజు, జీవన్ జోయల్, శీలం చిన్నయ్య, బ్రాంచ్ నాయకులు, చంద్రమోహన్, లక్ష్మీ నారాయణ, తిరుపతి, గోపతి మల్లేష్, బుద్దె కార్తీక్,  అన్ని షిఫ్ట్ ల కార్యదర్శులు, కమిటీ సభ్యులు తదితరులు పాల్గొన్నారు.