ఆర్.కె న్యూస్, మంచిర్యాల: తెలంగాణ వైద్య విధాన పరిషత్, జిల్లా ఆసుపత్రుల ప్రధాన అధికారి కార్యాలయం పరిధిలో ఒప్పంద, పొరుగు సేవల పద్దతిలో అందిన దరఖాస్తులను పరిశీలించి ఆన్ లైన్ లో, జిల్లా ఆసుపత్రుల ప్రధాన కార్యాలయం నోటీసు బోర్డులో ప్రదర్శించిన ప్రాథమిక మెరిట్ జాబితాపై ఏమైనా అభ్యంతరాలు ఉన్నట్లయితే వ్రాత పూర్వకంగా తెలియజేయాలని జిల్లా ఆసుపత్రుల పర్యవేక్షకులు డాక్టర్ అరవింద్ ఒక ప్రకటనలో తెలిపారు. ఒప్పంద పద్దతిలో సివిల్ అసిస్టెంట్ సర్జన్ స్పెషలిస్ట్ లు, సివిల్ అసిస్టెంట్ సర్జన్, పొరుగు సేవల పద్ధతిలో సి.టి. స్కాన్ టెక్నీషియన్, ఫార్మాసిస్ట్ గ్రేడ్-2, థియేటర్ అసిస్టెంట్ పోస్టుల భర్తీకి దరఖాస్తులు కోరగా వచ్చి దరఖాస్తులలో ప్రాథమిక మెరిట్ జాబితాను ఆన్ లైన్ లో https://mancherial.telangana.gov.in వెబ్ సైట్, జిల్లా ఆసుపత్రుల ప్రధాన కార్యాలయం పర్యవేక్షకుల విభాగం నోటీసు బోర్డులో ఉంచడం జరిగిందని, అభ్యర్థులకు ఏవైనా అభ్యంతరాలు ఉన్నట్లయితే ఈ నెల 20 నుంచి 25వ తేదీ వరకు జిల్లా ఆసుపత్రుల ప్రధాన కార్యాలయం, పర్యవేక్షకుల విభాగంలో కార్యాలయాల పనివేళల్లో ఉదయం 10.30 గం॥ల నుంచి 5 గం||ల వరకు సంప్రదించాలని తెలిపారు.