ఆర్.కె న్యూస్, నస్పూర్: సింగరేణి ఉద్యోగుల సంక్షేమంతో పాటు వైద్య సదుపాయాల కల్పనకు ప్రాధాన్యం యాజమాన్యం ప్రాధాన్యత ఇస్తుందని శ్రీరాంపూర్ జీఎం బి. సంజీవ రెడ్డి అన్నారు. బుధవారం శ్రీరాంపూర్ ఏరియాలోని ఆర్.కె-8 డిస్పెన్సరీలో 3 లక్షల రూపాయల విలువ గల రెండు నూతన అల్ట్రా మోడల్ లేటెస్ట్ ఈసీజీ పరికరాలను జీఎం ప్రారంభించారు. ఈ సందర్భంగా జీఎం మాట్లాడుతూ ఉద్యోగులకు మెరుగైన వైద్య సదుపాయాలు కల్పించడంలో భాగంగా అవరసమైన నూతన వైద్య పరికరాలు సమకూర్చడంలో సింగరేణి సంస్థ ముందుంటుందని అన్నారు. ఉద్యోగులు తమ ఆరోగ్యం పట్ల ప్రత్యేక శ్రద్ధ వహించాలన్నారు. ఈ కార్యక్రమంలో ఏజీఎం (ఫైనాన్స్) మురళీధర్, డివైసీఎంఓ డాక్టర్ పి రమేష్ బాబు, క్వాలిటీ మేనేజర్ కె వెంకటేశ్వర్ రెడ్డి, డాక్టర్ వేద వ్యాస్, డాక్టర్ మురళీధర్, డాక్టర్ లోక్ నాథ్ రెడ్డి, డాక్టర్ స్వప్న, వైద్య సిబ్బంది తదితరులు పాల్గొన్నారు.