KYATHAM RAJESH ఆర్.కె న్యూస్, నస్పూర్: మంచిర్యాలలో సమర్థవంతంగా విధులు నిర్వహించి ప్రభుత్వం చేపట్టిన బదిలీలలో భాగంగా కొమురంభీం ఆసిఫాబాద్ జిల్లా పౌరసంబంధాల అధికారిగా బదిలీపై వెళ్ళిన యాట్ల సంపత్ కుమార్ జిల్లాలో అందించిన సేవలు అభినందనీయం. ప్రభుత్వ సంక్షేమ, అభివృద్ధి పథకాలను ప్రింట్, ఎలక్ట్రానిక్ మీడియా, వివిధ రకాల ప్రచార పద్దతులలో ప్రజలకు చేరవేయడంలో జిల్లా ఉన్నతాధికారుల ప్రశంసలు అందుకున్నారు. ఎన్నికల సమయంలో అన్ని శాఖల సమన్వయంతో పని చేస్తూ ఎన్నికల నిర్వహణలో కేటాయించిన విభాగం నుండి ఎలాంటి పొరపాటు లేకుండా సమర్థవంతంగా విధులు నిర్వహించడంలో విజయవంతం అయ్యారని పలువురు ప్రశంసిస్తున్నారు. ఈ నేపథ్యంలో బదిలీపై వెళుతున్న యాట్ల సంపత్ కుమార్ ను కార్యాలయ సిబ్బంది, వివిధ దినపత్రికలు, ఎలక్ట్రానిక్ మీడియా ప్రతినిధులు కలిసి శాలువాలతో సత్కరించి పుష్పగుచ్ఛం అందించి వీడ్కోలు పలికారు.
