KYATHAM RAJESH - రెడ్డి పరివార్ క్యాలెండర్ ఆవిష్కరణలో వక్తలు
ఆర్.కె న్యూస్, నస్పూర్: రెడ్డి కులస్తుల్లో ఉండే పేదలకు ఆర్థికంగా, విద్యాపరంగా సహాయం అందించాలని వక్తలు ఆకాంక్షించారు. నస్పూర్ మున్సిపాలిటీ రెడ్డి పరివార్ సంక్షేమ సంఘం 2025 క్యాలెండర్ ను ఆదివారం నస్పూర్ పట్టణంలోని ఓ ప్రైవేట్ ఫంక్షన్ హాల్ లో ఆవిష్కరిం చారు. అనంతరం నూతన కమిటీని పరిచయం చేశారు. ఈ సందర్భంగా సంఘం నస్పూర్ గౌరవ అధ్యక్షుడు అనుమాండ్ల వెంకట్ రెడ్డి, అధ్యక్షుడు మోతె రాఘవరెడ్డి, జిల్లా కార్యదర్శి గొట్టం తిరుపతి రెడ్డిలు మాట్లాడుతూ, రెడ్డి పరివార్ సంక్షేమ సంఘం స్థాపించిన నాటి నుంచి అనేక సహాయ కార్యక్రమాలు చేపట్టిందన్నారు. ఇదే మాదిరిగా మున్ముందు కొనసాగించాలన్నారు. రెడ్డిలు అంటే ఆర్థికంగా స్థిరపడిన ఉన్నత వర్గమనే భావన సమాజంలో ఉందని, కానీ రెడ్డిల్లోనూ పేదలున్నారని తెలిపారు. వారిని ఆదుకునేందుకు అందరం కలిసికట్టుగా ఉంటూ సహాయ, సహకారాలు అందించాలని కోరారు. ఇటీవల ఏర్పాటైన నస్పూర్ మున్సిపాలిటీ రెడ్డి పరివార్ సంక్షేమ సంఘం కమిటీని పరిచయం చేశారు. ఈ కార్యక్రమంలో జిల్లా ఉపాధ్యక్షుడు దూదిపాల విజయపాల్ రెడ్డి, గౌరవ సలహాదారులు కేతిరెడ్డి సురేందర్ రెడ్డి, ఏనుగు రవీందర్ రెడ్డి, ప్రధాన కార్యదర్శి పాకాల మహిపాల్ రెడ్డి, కోశాధికారి చెరుకు చంద్రశేఖర్ రెడ్డి, ఉపాధ్యక్షులు కెడిక ప్రకాష్ రెడ్డి, పుప్పిరెడ్డి బాపురెడ్డి, కార్యదర్శులు, ఆర్గనైజింగ్ కార్యదర్శులు, అధికార ప్రతినిధులు తదితరులు పాల్గొన్నారు.
