KYATHAM RAJESH 
రక్షణ అనేది ఇంటి నుంచే ప్రారంభం కావాలి
జనరల్ మేనేజర్ (సేఫ్టీ) కె. సాయి బాబు
నస్పూర్, ఆర్.కె న్యూస్: సింగరేణి సంస్థ నిర్దేశించిన బొగ్గు ఉత్పత్తి లక్ష్యాలను సాధించే క్రమంలో ఉద్యోగులు ఎట్టి పరిస్థితుల్లోనూ రక్షణ సూత్రాలను మరువరాదని జనరల్ మేనేజర్ (సేఫ్టీ) కె. సాయి బాబు సూచించారు. శుక్రవారం ఆయన శ్రీరాంపూర్ ఏరియాలోని ఆర్.కె-7 గనిని సందర్శించి తనిఖీ చేశారు. ఈ సందర్భంగా శ్రీరాంపూర్ ఏరియా జనరల్ మేనేజర్ మునిగంటి శ్రీనివాస్, గ్రూప్ ఏజెంట్ కుర్మ రాజేందర్, గని మేనేజర్ జె. తిరుపతి తదితరులు సేఫ్టీ జీఎం సాయి బాబుకు పూల మొక్కను అందించి ఘనంగా ఆహ్వానించారు. అనంతరం జరిగిన సమావేశంలో సాయి బాబు మాట్లాడుతూ, రక్షణలో ప్రతి ఒక్కరూ భాగస్వాములు కావాలని, రక్షణపై పూర్తి అవగాహన కలిగి ఉండాలని తెలిపారు. విధులు నిర్వర్తించేటప్పుడు రక్షణ పరికరాలను తప్పనిసరిగా ధరించాలని ఆదేశించారు. ఉద్యోగుల రక్షణ అనేది వారి ఇంటి నుండే ప్రారంభం కావాలని ఆయన గుర్తు చేశారు. అనంతరం ఆయన గనిలోకి వెళ్లి అధికారులు అమలు చేస్తున్న రక్షణ విధి విధానాలను అడిగి తెలుసుకున్నారు. పని ప్రదేశాల్లో ఉద్యోగులకు రక్షణ సూత్రాలపై అవగాహన కల్పించారు. గనిలో అధికారులు చేపడుతున్న పటిష్టమైన రక్షణ విధానాలను పరిశీలించి వారిని ప్రత్యేకంగా అభినందించారు.
