KYATHAM RAJESH

• ఆర్.కె 7 గ్రూప్ ఏజెంట్ రాజేందర్

నస్పూర్, ఆర్.కె న్యూస్: మహాత్మ జ్యోతిరావు పూలే ఆశయాలను ప్రతి ఒక్కరూ కొనసాగించాలని ఆర్.కె 7 గ్రూప్ ఏజెంట్ రాజేందర్ అన్నారు. శుక్రవారం శ్రీరాంపూర్ ఏరియాలోని ఆర్.కె 7 గని పై మహాత్మ జ్యోతిరావు పూలే జయంతి వేడుకలు నిర్వహించారు. ఆర్.కె 7 గ్రూప్ ఏజెంట్ రాజేందర్, గని మేనేజర్ జె. తిరుపతి లు మహాత్మ జ్యోతిరావు పూలే చిత్రపటానికి పూలమాలలు వేసి నివాళులు అర్పించారు.  ఈ సందర్భంగా ఆర్.కె 7 గ్రూప్ ఏజెంట్  మాట్లాడుతూ, బడుగు బలహీన వర్గాల అభ్యున్నతి కోసం కృషి చేసిన సామాజిక ధార్మికుడు మహాత్మ జ్యోతిరావు పూలే అని, పూలే చేసిన సంఘ సంస్కరణలు నేటి తరానికి ఆదర్శనీయమని, యువ ఉద్యోగులు పూలేను ఆదర్శంగా తీసుకొని ముందుకు నడవాలని అన్నారు.  అనంతరం గని మేనేజర్ జె. తిరుపతి మాట్లాడుతూ,  మహాత్మ జ్యోతిరావు పూలే ఆలోచనలను స్ఫూర్తిగా తీసుకోవాలని ఉద్యోగులకు సూచించారు. ఆర్.కె 7 గని ప్రారంభమై 50 వసంతాలు పూర్తి అవుతున్న నేపథ్యంలో వేడుకల నిర్వహణకు  కార్మిక సంఘాల నేతలు, ఉద్యోగులు తమ అభిప్రాయాలు తెలపాలని కోరారు. ఈ కార్యక్రమంలో గుర్తింపు సంఘం ఏరియా వైస్ ప్రెసిడెంట్ కొట్టె కిషన్ రావు, రక్షణ అధికారి సంతోష్ రావు, ఫిట్ ఇంజనీర్ ప్రవీణ్, అండర్ మేనేజర్లు రాము, రవీందర్, సుమ, లక్ష్మి, సంక్షేమ అధికారి సంతన్, ఫిట్ సెక్రటరీ మారేపల్లి సారయ్య, బీసీ నాయకులు పేరం రమేష్, పవన్, వివిధ యూనియన్ ల నాయకులు తదితరులు పాల్గొన్నారు.

• శ్రీరాంపూర్ ఏరియా జీఎం ఎం. శ్రీనివాస్

నస్పూర్, ఆర్. కె న్యూస్: మహాత్మ జ్యోతిరావు పూలే చూపిన మార్గం ఆచరణీయమని శ్రీరాంపూర్ ఏరియా జనరల్ మేనేజర్ ఎం. శ్రీనివాస్ అన్నారు. శుక్రవారం జనరల్ మేనేజర్ కార్యాలయ సమావేశ మందిరంలో డీజీఎం (పర్సనల్) అరవింద రావు అధ్యక్షతన నిర్వహించిన మహాత్మ జ్యోతిరావు పూలే 198వ జయంతి వేడుకలకు ఏరియా జీఎం ఎం. శ్రీనివాస్ హాజరై, పూలే చిత్రపటానికి పూలమాలవేసి నివాళులు అర్పించారు. ఈ సందర్భంగా శ్రీరాంపూర్ జనరల్ మేనేజర్ మాట్లాడుతూ, మహాత్మ జ్యోతిరావు పూలే సామాజిక న్యాయం, స్త్రీ పురుష సమాన హక్కుల కోసం చేసిన కృషి భారతీయ చరిత్రలో చిరస్థాయిగా నిలిచిందని, తన భార్య సావిత్రీబాయి పూలేకు విద్య నేర్పించి, ఆమెను భారతదేశపు తొలి మహిళా ఉపాధ్యాయురాలిగా తీర్చిదిద్దారని, 1848లో పూలే దంపతులు బాలికల కోసం తొలి పాఠశాల ప్రారంభించడం అప్పటి భారతీయ సమాజంలో సాహసోపేత చర్య అని, మహిళలు, దళితులు విద్య అభ్యసించకూడదు అనే దృక్పథాన్ని ధిక్కరించి, విద్యే విముక్తికి మార్గం అనే సంకల్పంతో పాఠశాలలు స్థాపించారని పేర్కొన్నారు. సింగరేణిలో అన్ని వర్గాలకు సమాన అవకాశాలు కల్పిస్తూ, ఉద్యోగుల శ్రేయస్సు కోసం చేస్తున్న ప్రయత్నాలకు పూలే ఆశయాలు ప్రేరణ అని అన్నారు. ప్రతి ఒక్కరు మహాత్మ జ్యోతిరావు పూలే చూపిన మార్గాన్ని అనుసరిస్తూ, సమాజంలో అందరిని గౌరవించే దిశగా ముందుకెళ్లాలని, ప్రతిచర్యలో న్యాయానికి, సమానత్వానికి ప్రాధాన్యత ఇస్తూ ముందుకెళ్లాలని కోరారు. ఈ కార్యక్రమంలో బిసి ఎంప్లాయిస్ వెల్ఫేర్ అసోసియేషన్ ఏరియా లైజన్ ఆఫీసర్, ఎస్వోటు జీఎం ఎన్. సత్యనారాయణ, గుర్తింపు సంఘం బ్రాంచ్ సెక్రటరీ బాజీ సైదా, అధికారుల సంఘం వైస్ ప్రెసిడెంట్ కిరణ్ కుమార్, ఏరియా ఇంజనీర్ బి. చంద్రశేఖర్ రెడ్డి, డీజీఎం (సివిల్) ఆనంద్ కుమార్, బిసి ఎంప్లాయిస్ వెల్ఫేర్ అసోసియేషన్ శ్రీరాంపూర్ ఏరియా వైస్ ప్రెసిడెంట్ జి. శ్రీనివాస్, బ్రాంచ్ సెక్రటరీ బరుపటి మారుతి, జీఎం కార్యాలయ వివిధ విభాగాల అధిపతులు, ఉద్యోగులు, యూనియన్ నాయకులు తదితరులు పాల్గొన్నారు.