నస్పూర్, ఆర్.కె న్యూస్: నస్పూర్ మండలం షిర్కే కాలనీలో వినాయక చవితి చందాల లెక్కల విషయమై ఇరువర్గాల మధ్య తలెత్తిన వివాదం పరస్పర దాడులకు దారితీసింది. ఈ నెల 23న నిమజ్జనం ఊరేగింపు సందర్భంగా సీసీసీ కార్నర్ వద్ద కంచర్ల రమేష్, ఆయన సోదరుడు వెంకటేష్‌లపై దొమ్మటి రాజేందర్, గుర్రాల వంశీకృష్ణ దాడి చేశారు. ఈ ఘటనను మనసులో పెట్టుకుని, 24వ తేదీ అర్ధరాత్రి కంచర్ల రమేష్ తన స్నేహితులతో కలిసి రాజేందర్ ఇంటిపై కర్రలతో దాడి చేసి రాజేందర్‌తో పాటు ఆయన స్నేహితులు జగన్, రమేష్‌లను గాయపరిచారు. ఇరువర్గాల ఫిర్యాదుల మేరకు సీసీసీ నస్పూర్ ఎస్సై ఎండీ తహిసీనుద్దీన్ కేసులు నమోదు చేసి దర్యాప్తు జరిపారు. శుక్రవారం ఇరువర్గాలకు చెందిన వారిని అరెస్ట్ చేసినట్లు మంచిర్యాల రూరల్ సీఐ గోపతి రవీందర్ తెలిపారు. పట్టణంలో గ్రూపు తగాదాలు సృష్టిస్తూ శాంతిభద్రతలకు విఘాతం కలిగిస్తే కఠిన చర్యలు తప్పవని సీఐ హెచ్చరించారు.
మర్యాదపూర్వకంగా కలిశారు. ఈ సందర్భంగా వారు శంకర్‌ను శుభాకాంక్షలు తెలిపారు. అనంతరం కుంటాల శంకర్ మాట్లాడుతూ, పార్టీలో తనపై నమ్మకం ఉంచి జిల్లా ఎస్సీ సెల్ ఉపాధ్యక్ష బాధ్యతలు అప్పగించినందుకు ఎమ్మెల్యే ప్రేమ్ సాగర్ రావు, కొక్కిరాల సురేఖలకు ప్రత్యేక ధన్యవాదాలు తెలిపారు. కాంగ్రెస్ పార్టీ బలోపేతానికి, దళితుల సంక్షేమానికి నిరంతరం శ్రమిస్తానని పేర్కొన్నారు. ఈ కార్యక్రమంలో మంచిర్యాల మున్సిపల్ కార్పొరేషన్ మేయర్ ధర్ని మధుకర్, కార్పొరేషన్ కాంగ్రెస్ పార్టీ అధ్యక్షుడు, కార్పొరేటర్ తూముల నరేష్, మంచిర్యాల మార్కెట్ కమిటీ చైర్మన్ రామగిరి బానేష్, కార్పొరేటర్ చింతపండు శ్రీనివాస్, పార్టీ నాయకులు, కార్యకర్తలు పాల్గొన్నారు.
