నియామక పత్రం అందజేసిన జిల్లా అధ్యక్షుడు నగునూరి వెంకటేశ్వర్ గౌడ్

వేమనపల్లి, ఆర్.కె న్యూస్: మండల బిజెపి అధ్యక్షుడిగా ఏట రవికుమార్ నియమితులయ్యారు. శనివారం చెన్నూరు పట్టణంలోని పార్టీ కార్యాలయంలో జిల్లా అధ్యక్షుడు నగునూరి వెంకటేశ్వర్ గౌడ్ ఈ మేరకు రవికుమార్ కు నియామక పత్రాన్ని అందజేశారు. ఇటీవల ఆత్మహత్యకు పాల్పడిన మాజీ మండల అధ్యక్షుడు ఏట మధుకర్ కుమారుడే రవికుమార్. ఈ సందర్భంగా రవికుమార్ మాట్లాడుతూ.. పార్టీ తనపై ఉంచిన నమ్మకాన్ని వమ్ము చేయనని తెలిపారు. మండలంలోని నాయకులను, కార్యకర్తలను సమన్వయం చేసుకుంటూ పార్టీ బలోపేతానికి నిరంతరం కృషి చేస్తానని పేర్కొన్నారు. ఈ కార్యక్రమంలో పార్టీ ముఖ్య నాయకులు, కార్యకర్తలు పాల్గొన్నారు.