KYATHAM RAJESH

నస్పూర్, ఆర్.కె న్యూస్: నస్పూర్ మండల పరిధిలోని అభినవ కాలనీలో జరిగిన దొంగతనం కేసులో ఇద్దరిని అరెస్ట్ చేసినట్లు మంచిర్యాల రూరల్ సీఐ ఏ. అశోక్  తెలిపారు. మంగళవారం మంచిర్యాల సీఐ అశోక్ సిసిసి నస్పూర్ ఎస్సై ఉపేందర్ రావుతో కలిసి కేసు వివరాలను వెల్లడించారు. ఈనెల 9న సాయంత్రం కూసి తిరుపతి అనే వ్యక్తి ఇంటికి తాళం వేసి సొంత గ్రామానికి వెళ్లి మరుసటి రోజు వచ్చి చూసే సరికి ఇంటి మెయిన్ డోర్‌‌ తాళం పగులగొట్టి ఉందని, ఇంటి లోపలికి వెళ్లి చూడగా బెడ్ రూంలో ఉన్న టేబుల్ లాకర్ ఓపెన్ చేసి ఉందని అందులో ఉన్న పావు తులం బంగారం చెవి కమ్మలు, 2 వేల రూపాయలు నగదు, దేవుడి గదిలో ఉన్న 30 తులాల వెండి వస్తువులు, ఇంటి హాల్ లో ఉండే హోమ్ థియేటర్, సౌండ్ బార్ కనిపించడం లేదని, గుర్తు తెలియని వ్యక్తులు  దొంగతనం చేసినట్లు ఫిర్యాదు చేయగా, సీసీసీ నస్పూర్ పోలీసులు సోమవారం మూడు బృందాలుగా ఏర్పడి కలెక్టరేట్ చౌరస్తా వద్ద నిర్బంధ వాహన తనిఖీలు చేస్తుండగా మంచిర్యాల నుండి గోదావరి ఖని వైపు వేగంగా వెళుతున్న అనుమానిత కారును ఆపి అందులో ఉన్న ఇద్దరు వ్యక్తులను విచారించగా తాము నస్పూర్‌‌లో దొంగతనం చేసినట్లు నేరం ఒప్పుకున్న రానమల్లె గజనంద్, సయ్యద్ అమాన్ లను రిమాండ్ చేసి కోర్టులో హాజరుపరిచినట్లు తెలిపారు. దొంగతనం కేసులో నిందితులను చాకచక్యంగా పట్టుకున్న పోలీసులను మంచిర్యాల డీసీపీ భాస్కర్, ఏసీపీ ప్రకాష్ లు అభినందించారు.

• గుర్తింపు కార్మిక సంఘం నాయకులు

నస్పూర్, ఆర్.కె న్యూస్: శ్రీరాంపూర్ ఏరియాలోని కృష్ణ కాలనీ శాంతి స్టేడియంలో మౌలిక వసతులు, సౌకర్యాలు కల్పించాలని సింగరేణి గుర్తింపు కార్మిక సంఘం సింగరేణి కాలరీస్ వర్కర్స్ యూనియన్ (ఏఐటీయూసీ) ఆధ్వర్యంలో శనివారం శ్రీరాంపూర్ జనరల్ మేనేజర్ ఎం. శ్రీనివాస్ కు వినతి పత్రం అందజేశారు. ఈ సందర్భంగా సింగరేణి కాలరీస్ వర్కర్స్ యూనియన్ డిప్యూటీ ప్రధాన కార్యదర్శిలు కందికట్ల వీరభద్రయ్య, ముష్కే సమ్మయ్య, బ్రాంచ్ కార్యదర్శి బాజీ సైదా మాట్లాడుతూ, కృష్ణ కాలనీలోని శాంతి స్టేడియంలో కనీస సౌకర్యాలు లేక కార్మికులు,  వారి కుటుంబ సభ్యులు తీవ్ర ఇబ్బందులకు గురవుతున్నారని, స్టేడియం చుట్టూ ప్రహరీ గోడతో పాటి సరిపడా విద్యుత్ దీపాలు లేకపోవడంతో ఆకతాయిలు మద్యం సేవించడం, అసాంఘిక కార్యక్రమాలకు అడ్డాగా మారుతుందని, వర్షాకాలంలో స్టేడియంలో నీరు నిలిచి వాకర్స్ ఇబ్బందులు ఎదుర్కొంటున్నారని పేర్కొన్నారు. దసరా ఉత్సవాల్లో భాగంగా కార్మికుల కుటుంబ సభ్యులు శాంతి స్టేడియంలో బతుకమ్మ సంబరాలు జరుపుకుంటారని, సింగరేణి యాజమాన్యం తక్షణమే స్పందించి కార్మికుల శ్రేయస్సు దృష్ట్యా శాంతి స్టేడియంలో ప్రహరీ గోడను నిర్మించడంతో పాటు వాకింగ్ ట్రాక్ ఏర్పాటు చేయాలని, స్టేజ్ ఏర్పాటు చేయాలని డిమాండ్ చేశారు. ఈ కార్యక్రమంలో ఉపాధ్యక్షులు కొట్టే కిషన్ రావు, సహాయ కార్యదర్శి మోత్కూరి కొమురయ్య, కోశాధికారి నాగభూషణం, జీఎం కమిటీ చర్చల ప్రతినిధులు ప్రసాద్ రెడ్డి, బద్రి బుచ్చయ్య, సంపత్,  గొల్లపల్లి రామచందర్, కాంట్రాక్టు వర్కర్స్ యూనియన్ రీజియన్ కార్యదర్శి అఫ్రోజ్ ఖాన్, ఫిట్ కార్యదర్శిలు ఆకుల లక్ష్మణ్, గునిగంటి నర్సింగారావు, మోతే లచ్చన్న, నవీన్ రెడ్డి, సందీప్, సంఘం సదానందం, అగ్గు శ్రీకాంత్, పెద్దయ్య, రమేష్ తదితరులు పాల్గొన్నారు.

• మంచిర్యాల జిల్లా కలెక్టర్ కుమార్ దీపక్
• నస్పూర్-శ్రీరాంపూర్ ప్రెస్ క్లబ్ ఆధ్వర్యంలో ఉచిత మెగా వైద్య శిబిరం

నస్పూర్, ఆర్.కె న్యూస్: సామాజిక సేవా కార్యక్రమంలో భాగంగా నస్పూర్ – శ్రీరాంపూర్ ప్రెస్ క్లబ్ జర్నలిస్టులు ఉచిత మెగా సూపర్ స్పెషాలిటీ వైద్య శిబిరం నిర్వహించడం అభినందనీయమని మంచిర్యాల జిల్లా కలెక్టర్ కుమార్ దీపక్ అన్నారు. ఆదివారం జిల్లాలోని నస్పూర్ మండల కేంద్రంలో నస్పూర్ ప్రెస్ క్లబ్ ఆధ్వర్యంలో రెనే హాస్పిటల్, మెడ్ లైఫ్ హాస్పిటల్ వారి సహకారంతో ఏర్పాటు చేసిన ఉచిత మెగా మల్టీ స్పెషాలిటీ వైద్య శిబిరాన్ని ప్రారంభించి వైద్య పరీక్షలు చేయించుకున్నారు. ఈ సందర్భంగా జిల్లా కలెక్టర్ మాట్లాడుతూ, ప్రభుత్వం ప్రజలకు మెరుగైన వైద్య సేవలు అందించే లక్ష్యంతో వైద్య రంగ అభివృద్ధి కోసం ప్రత్యేక చర్యలు తీసుకుంటుందని తెలిపారు. ఈ క్రమంలో నస్పూర్ ప్రెస్ క్లబ్ ఆధ్వర్యంలో ఉచిత మెగా మల్టీ స్పెషాలిటీ వైద్య శిబిరం ఏర్పాటు చేసి ప్రజలకు వైద్య సేవలు అందించడం అభినందనీయమని అన్నారు. ఈ శిబిరంలో ఎమర్జెన్సీ, క్రిటికల్ కేర్, కార్డియాలజీ, పల్మనాలజీ, జాయింట్ రీప్లేస్మెంట్, స్పైన్ సర్జరీ, న్యూరో సర్జరీ, ఇన్ ఫెర్టిలిటీ, చైల్డ్ కేర్, జనరల్, లాప్రోస్కోపీ సర్జరీ, యూరాలజీ వంటి అనేక సంబంధిత వైద్య పరీక్షలు ప్రజలకు ఉచితంగా అందించడం జరుగుతుందని తెలిపారు. మనలో ఉన్న సమస్య సాధారణంగా తెలియదని, పరీక్షలు నిర్వహించినప్పుడు బయటపడుతుందని, ఇలాంటి శిబిరాలను ప్రజలు సద్వినియోగం చేసుకొని ఆరోగ్యంగా ఉండాలని అన్నారు. రెనె ఆసుపత్రి చైర్మన్ బంగారి స్వామి, నస్పూర్ – శ్రీరాంపూర్ ప్రెస్ క్లబ్ ఆధ్వర్యంలో నిర్వహించిన వైద్య శిబిరంలో సుమారు 1200 మంది హాజరై వైద్య పరీక్షలు నిర్వహించి,  మందులు పంపిణీ చేశారు. శ్రీరాంపూర్ ఎస్వోటు జీఎం సత్యనారాయణ ఈసీజీ, టూడీ ఏకో సేవలను ప్రారంభించారు. మంచిర్యాల రూరల్ సీఐ ఆకుల ఆశోక్ శిబిరాన్ని సందర్శించి, వైద్య సేవలను పరిశీలించారు. సామాజిక సేవా కార్యక్రమంలో భాగంగా తాము చేపట్టిన ఈ సూపర్ స్పెషాలిటీ ఉచిత మెగా వైద్య శిబిరానికి సహకరించిన రెనె సూపర్ స్పెషాలిటీ ఆసుపత్రి యజమాన్యానికి, మంచిర్యాల మెడిలైఫ్ ఆసుపత్రి యజమాన్యానికి, తమకు అన్ని విధాలుగా సహకారం అందించిన శ్రీరాంపూర్ జీఎం ఎం. శ్రీనివాస్, సెక్యూరిటీ అధికారి జక్కారెడ్డి, ఇతర సింగరేణి అధికారులు, పోలీస్ అధికారులకు ప్రెస్ క్లబ్ అధ్యక్షుడు భూపతి రవి, గౌరవ అధ్యక్షుడు భాస్కరి రాజేశం, ఉపాధ్యక్షులు శ్రీపతి రాములు, ఆర్గనైజింగ్ కార్యదర్శి క్యాతం రాజేష్, సంయుక్త కార్యదర్శి ఏల్పుల మల్లేష్, కోశాధికారి కేశిరెడ్డి నారాయణరెడ్డి, కార్యవర్గ సభ్యుడు తలారి సమ్మయ్య, క్రమశిక్షణ కమిటీ కన్వీనర్ కోడం రవికుమార్, సభ్యులు బియ్యాల రాజ్ కుమార్, దాసరి నరేందర్, కుమ్మరి సతీష్, నారమల్ల పురుషోత్తం, వైద్య శ్రీనివాస్, ఏబీ రెడ్డిలు కృతజ్ఞతలు తెలిపారు. కృతఙ్ఞతలు తెలిపారు. ఈ కార్యక్రమంలో రెనె ఆసుపత్రి చైర్మన్ బంగారి స్వామి, క్యాంపు కోఆర్డినేటర్లు పుల్లూరి సుధాకర్, వసీమోద్దీన్, రెనె ఆసుపత్రి జీఎం బంగారి పవన్ ప్రసాద్, నాన్ సర్జికల్ డైరెక్టర్ మేకల అరవిందరావు, వైద్యులు దినకర్, నిఖిల్ లక్ష్మణ్, రవి కుమార్, జొన్నల శ్రీనివాస్, రాజ్ కిరణ్, కనకరాజు, రామలక్ష్మి, ఫర్హన, శివకుమార్, వైభవ్, మెడిలైఫ్ ఆసుపత్రి మేనేజింగ్ డైరెక్టర్ కుమారస్వామి, చేతన్ చౌహాన్, తదితరులు పాల్గొన్నారు.