తెలంగాణ మున్నూరు కాపు సంఘం (పటేల్స్) రాష్ట్ర అధ్యక్షుడు కొండ దేవయ్య
నస్పూర్‌లో సంఘం వెబ్‌సైట్ ఆవిష్కరణ
నస్పూర్, ఆర్.కె న్యూస్: తెలంగాణ మున్నూరు కాపు (పటేల్స్) కులస్తులంతా విధిగా సంఘం సభ్యత్వాన్ని స్వీకరించి, జనాభా ప్రాతిపదికన హక్కులు సాధించుకుంటూ రాజ్యాధికారం దిశగా ముందుకు సాగాలని తెలంగాణ మున్నూరు కాపు సంఘం (పటేల్స్) రాష్ట్ర అధ్యక్షుడు కొండ దేవయ్య పిలుపునిచ్చారు. నస్పూర్ ప్రెస్ క్లబ్‌లో శుక్రవారం ఏర్పాటు చేసిన విలేకరుల సమావేశంలో ఆయన మాట్లాడారు. అనంతరం సంఘం అధికారిక వెబ్‌సైట్‌ను ఆవిష్కరించారు. ఈ సందర్భంగా కొండ దేవయ్య మాట్లాడుతూ… ఒకే కులం – ఒకే సంఘం నినాదంతో మున్నూరు కాపులంతా ఐక్యంగా ఉండాలని కోరారు. రాష్ట్రంలో తమ కుల జనాభాను వాస్తవ సంఖ్య కంటే తక్కువగా చూపించడం వల్ల రాజకీయంగా, ఉద్యోగ, ఉపాధి అవకాశాల్లో తీవ్ర అన్యాయం జరిగిందని ఆవేదన వ్యక్తం చేశారు. పేర్ల చివర రావు అని ఉన్న మున్నూరు కాపులను ఇతర కులాల్లో కలపడం వల్లే ఈ పరిస్థితి తలెత్తిందన్నారు. ప్రత్యేక రాష్ట్రంలో న్యాయం జరుగుతుందని ఆశిస్తే, గత ప్రభుత్వంతో పాటు ప్రస్తుత ప్రభుత్వం కూడా నిర్లక్ష్య వైఖరినే అవలంబిస్తోందని విమర్శించారు. ప్రపంచంలో ఎక్కడ ఉన్నవారైనా సంఘం వెబ్‌సైట్ ద్వారా సభ్యత్వం నమోదు చేసుకోవాలని, అందరూ చొరవ చూపకపోతే జనాభా లెక్కల్లో మొదటి స్థానం నుంచి ఐదో స్థానానికి పడిపోయే ప్రమాదం ఉందని హెచ్చరించారు. అలాగే ప్రభుత్వం ప్రకటించిన మున్నూరు కాపు కార్పొరేషన్‌కు తక్షణమే రూ. 1,000 కోట్ల నిధులు కేటాయించాలని డిమాండ్ చేశారు. ఈ సమావేశంలో మున్నూరు కాపు సంఘం రాష్ట్ర వర్కింగ్ ప్రెసిడెంట్ బోరిగాం రాజారాం, నాయకులు పానుగంటి శ్రీనివాస్, నాయకులు శ్రీపతి శ్రీనివాస్, శ్రీపతి సురేష్ కుమార్, నరెడ్ల శ్రీనివాస్, కాశ రాజు, ఆకుల మహేందర్, రవికుమార్ తదితరులు పాల్గొన్నారు.
పాల్గొని భక్తిశ్రద్ధలతో సామూహిక కుంకుమార్చన పూజలు నిర్వహించారు. కాలనీ ప్రజలందరూ ఆయురారోగ్యాలు, సకల శుభాలతో వర్ధిల్లాలని కోరుతూ పూజా కార్యక్రమాల్లో పాల్గొన్నారు. అర్చకుల వేదమంత్రోచ్ఛారణల నడుమ వినాయకుడికి విశేష పూజలు చేసిన మహిళలు, కుంకుమార్చన గావించి స్వామివారికి నైవేద్యాలు సమర్పించి మహాహారతి ఇచ్చారు. అనంతరం నాంపల్లి తిరుపతి, గాండ్ల సుధీర్ భక్తులకు అన్నదాన కార్యక్రమం నిర్వహించగా, మండలి ప్రతినిధులు తీర్థప్రసాదాలు పంపిణీ చేశారు. ఈ కార్యక్రమంలో మండలి నిర్వాహకులు మేడం తిరుపతి, ఎంబండి సమ్మయ్య, గడ్డం చంద్రయ్య, బెడద మహేందర్, కనవేని ఓదెలు, లశెట్టి గంగాధర్, రామంచ సంపత్, ఆంజనేయ ప్రసాద్, ముష్కే రవి, కాలనీ పెద్దలు, భక్తులు పాల్గొన్నారు.
వేముల వీరేశం, జిల్లా కలెక్టర్ ఆధ్వర్యంలో నిర్వహించిన వేడుకల్లో సోన్ మండల వ్యవసాయ అధికారి (ఏవో) వినోద్ కుమార్, మాదాపూర్ క్లస్టర్ వ్యవసాయ విస్తరణ అధికారి (ఏఈవో) రాజ్‌కుమార్‌లకు ఉత్తమ ఉద్యోగి అవార్డులను ప్రదానం చేశారు. వ్యవసాయ శాఖ పథకాలను పకడ్బందీగా అమలు చేయడంతో పాటు, ఈ వానాకాలం సీజన్‌లో ఆయిల్ పామ్ సాగు విస్తీర్ణాన్ని పెంచడంలో విశేష కృషి చేసినందుకు గాను వీరికి ఈ పురస్కారాలు దక్కాయి. ఉత్తమ పురస్కారాలు అందుకున్న అధికారులకు పలువురు రైతులు, ప్రజాప్రతినిధులు శుభాకాంక్షలు తెలిపారు. భవిష్యత్తులోనూ రైతులకు మరింత అందుబాటులో ఉంటూ విశేష సేవలందించాలని వారు ఆకాంక్షించారు.
వినాయక చవితి నవరాత్రి వేడుకలు వైభవంగా కొనసాగుతున్నాయి. విజయ గణపతి గణేష్ మండలి ఆధ్వర్యంలో ఏర్పాటు చేసిన మండపం వద్ద నిత్య పూజలతో పాటు ప్రతిరోజూ అన్నదాన కార్యక్రమాలను నిర్వహిస్తున్నారు. ఇందులో భాగంగా గురువారం శ్రీపతి కల్పనా–రాములు గౌడ్ దంపతులు విఘ్నేశ్వరునికి ప్రత్యేక పూజలు నిర్వహించి, మొక్కులు తీర్చుకున్నారు. గణనాథుని కృపాకటాక్షాలతో ప్రజలంతా సుఖసంతోషాలతో ఉండాలని ఆకాంక్షించారు. ఈ పూజా కార్యక్రమాల్లో స్థానిక మహిళలు, భక్తులు పెద్ద సంఖ్యలో పాల్గొని తీర్థప్రసాదాలు స్వీకరించారు.
