KYATHAM RAJESH

నస్పూర్, ఆర్.కె న్యూస్: రాష్ట్ర ముఖ్యమంత్రి రేవంత్ రెడ్డి, కార్మిక శాఖ మంత్రి గడ్డం వివేకానంద ప్రత్యేక చొరవ తీసుకుని సింగరేణి మారుపేర్ల బాధితుల విజిలెన్స్ కేసుల సమస్యలకు పరిష్కారం చూపి, డిపెండెంట్ ఉద్యోగాలు కల్పించాలని మారుపేర్ల బాధితులు దబ్బెట అంజయ్య, రాజయ్య, సంకీర్త్ లు తెలిపారు. శుక్రవారం నస్పూర్ ప్రెస్ క్లబ్ లో విలేకరుల సమావేశంలో వారు మాట్లాడుతూ, ఎన్నో ఏండ్లు సింగరేణి సంస్థలో పని చేసి సంస్థ పురోభివృద్ధికి కృషి చేశామని, తమ వారసులకు డిపెండెంట్ ఉద్యోగాలు రాక ఆర్థికంగా చితికిపోయి, దుర్భర జీవితాలు గడుపుతున్నామని, పలుమార్లు డిప్యూటీ సీఎంతో పటు పలువురు మంత్రులకు, కార్మిక సంఘాల నాయకులకు వినతి పత్రాలు అందజేశామని, జూన్ 27న సింగరేణి హెడ్ ఆఫీస్ ఎదుట మారుపేర్ల బాధితులంతా కలిసి పెద్ద ఎత్తున ధర్నా చేపట్టినట్లు పేర్కొన్నారు.

నస్పూర్, ఆర్.కె న్యూస్: గత ఆర్థిక సింగరేణి సంస్థకు వచ్చిన వాస్తవ లాభాలు తక్షణమే ప్రకటించి, కార్మికులకు 35 శాతం లాభాల వాటా చెల్లించాలని కోరుతూ సింగరేణి కాలరీస్ ఎంప్లాయిస్ యూనియన్ (సిఐటియు) నాయకులు శుక్రవారం ఆర్.కె న్యూ టెక్ గని మేనేజర్ కు వినతి పత్రం అందజేశారు. ఈ కార్యక్రమంలో బ్రాంచ్ నాయకులు కస్తూరి చంద్రశేఖర్, జోర్క వెంకటేష్, పిట్ కార్యదర్శి పెరుక సదానందం, ముచ్చకుర్తి రమేష్ , ప్రతాప్, తెల్లం పుల్లారావు, రాజయ్య, లింగమూర్తి , అభిలాష్, తిరుపతి, సురేందర్ తదితరులు పాల్గొన్నారు.

నస్పూర్, ఆర్.కె న్యూస్: శ్రీరాంపూర్ ఉపరితల గనిలో పని చేస్తున్న క్లరికల్ సిబ్బంది సమస్యలను తక్షణమే పరిష్కరించాలని గుర్తింపు సంఘం బ్రాంచ్ కార్యదర్శి బాజీ సైదా అన్నారు. శుక్రవారం ఈ మేరకు ఓసీపీ ప్రాజెక్ట్ అధికారి, మేనేజర్ కు వినతి పత్రం అందజేశారు. ఈ సందర్భంగా గుర్తింపు సంఘం బ్రాంచ్ కార్యదర్శి బాజీ సైదా మాట్లడుతూ, వే బ్రిడ్జ్, రైల్వే కరస్పాండెన్స్ బాధ్యతలు నిర్వహిస్తున్న క్లర్కులకు, అన్ని గనులు, డిపార్ట్మెంట్లలో ఇచ్చినట్లు ఇన్సెంటివ్ ఇవ్వాలని, క్లరికల్ సిబ్బంది వాహనాల పార్కింగ్ కోసం ప్రాజెక్ట్ ఆఫీస్ పరిధిలో పార్కింగ్ షెడ్ నిర్మించాలని, అంకితభావంతో పని చేస్తున్న క్లరికల్ ఉద్యోగులను ఉత్తమ ఉద్యోగులుగా గుర్తించి, రాబోయే స్వాతంత్ర దినోత్సవ వేడుకల్లో ప్రశంసా పత్రాలతో సన్మానించాలని,  క్లరికల్ సిబ్బంది సౌకర్యవంతంగా పని చేసేందుకు అవసరమైన ఫర్నిచర్, పనికి తగినట్లు కంప్యూటర్లు, ప్రింటర్లు సమకూర్చాలనే పలు డిమాండ్లపై వినతి పత్రం అందజేసినట్లు తెలిపారు. ఈ కార్యక్రమంలో సంయుక్త కార్యదర్శి రాచర్ల చంద్రమోహన్, జీఎం కమిటీ చర్చల ప్రతినిధి బద్రి బుచ్చయ్య, ఎస్సార్పీ ఓసిపి క్లరికల్ పిట్ ఇన్చార్జి కట్ల రమేష్, క్లరికల్ సిబ్బంది బానేష్, సునీల్, శివ శంకర్, సంజయ్, జయబాబు, సత్యనారాయణ రెడ్డి, సత్యనారాయణ తదితరులు పాల్గొన్నారు.

నస్పూర్, ఆర్.కె న్యూస్: నస్పూర్ పట్టణంలో ఆధునీకరించి సొంత భవనంలోకి మార్చిన అర్చన సెలక్షన్స్ వస్త్ర దుకాణాన్ని నస్పూర్ మాజీ మున్సిపల్ చైర్మన్ సురిమిళ్ల వేణు ఆదివారం ప్రారంభించారు. ఈ సందర్భంగా నస్పూర్ మాజీ మున్సిపల్ చైర్మన్, వినియోగదారులకు నాణ్యమైన వస్త్రాలు సరసమైన ధరలకు అందించి, వారి మన్ననలు పొందాలని వస్త్ర దుకాణ యాజమాన్యానికి చెప్పారు. అనంతరం అర్చన సెలక్షన్స్ యజమాని బుర్ర తిరుపతి గౌడ్ మాట్లాడుతూ, కోల్ బెల్ట్ ప్రాంత ప్రజలు వివాహాది శుభకార్యాలకు వస్త్రాల ఖరీదు నిమిత్తం దూర ప్రాంతాలకు వెళ్లాల్సిన అవసరం లేకుండా లేడీస్ వేర్, మెన్స్ వేర్, కిడ్స్ వేర్, మాచింగ్ సెంటర్, హాజరీ విభాగాలలో అధునాతన డిజైన్లలో వస్త్రాలు అందుబాటులో ఉన్నాయని తెలిపారు. ఈ కార్యక్రమంలో స్థానిక కాంగ్రెస్ నాయకుడు రంగు అజయ్ గౌడ్, స్థానికులు జకినబోయిన గోపాల్, మండల తిరుపతి, వేణు, సతీష్ తదితరులు పాల్గొన్నారు.

నస్పూర్, ఆర్.కె న్యూస్: సింగరేణి వ్యాప్తంగా ఆర్.కె 5 గనికి ప్రత్యేక గుర్తింపు ఉందని శ్రీరాంపూర్ జనరల్ మేనేజర్ ఎం. శ్రీనివాస్ అన్నారు. శనివారం ఆర్.కె 5 గని పై ఏర్పాటు చేసిన కార్యక్రమానికి ముఖ్య అతిథిగా హాజరై మాట్లాడుతూ, ఉత్పత్తి, రక్షణలోనే కాదు స్వచ పక్వాడ్, పర్యావరణ పరిరక్షణ ఇతర సామాజిక కార్యక్రమాల్లో ఆర్.కె 5 ఉద్యోగులు అందరికీ ఆదర్శంగా నిలుస్తున్నారని అన్నారు. తక్కువ ఎత్తు పని ప్రదేశాలలో సైతం నిబద్ధతతో కృషి చేస్తూ ఇప్పటి వరకు ఎలాంటి ప్రమాదం లేకుండా జులై నెలలో ఆర్.కె 5 గని 100 శాతం ఉత్పత్తి సాధించడం అభినందనీయమని, ఇదే స్ఫూర్తితో రక్షణతో ఈ సంవత్సరం నూరు శాతం ఉత్పత్తి లక్ష్యాన్ని సాధించాలని పేర్కొన్నారు. టార్గెట్ సాధించటంలో ముఖ్య పాత్ర పోషించిన ఏజెంట్, మేనేజర్ లకు శుభాకాంక్షలు తెలిపారు. గతంలో 6 లక్షల టన్నులకు పైగా ఉత్పత్తి సాధించి భూగర్భ గనుల్లో రికార్డ్ సృష్టించిన ఘనత ఆర్.కె 5 గనికి ఉందన్నారు. ఉద్యోగులకు అవసరమైన అన్ని వసతులు, పని ప్రదేశాల్లో మెటీరియల్స్ ఏర్పాటు చేస్తామని, జులై మాసం తరహాలోనే రానున్న రోజుల్లో రక్షణతో ఎలాంటి ప్రమాదాలకు ఆస్కారం లేకుండా 100 శాతం ఉత్పత్తి సాధించాలని కోరారు. జులై నెలలో అధిక ఉత్పత్తిలో అగ్రగామిగా నిలిచిన రిలే ఏ ఉద్యోగులను ప్రోత్సాహక బహుమతులతో అభినందించారు. అనంతరం గుర్తింపు సంఘం బ్రాంచ్ సెక్రటరీ బాజీ సైదా మాట్లాడుతూ, సింగరేణి సంస్థ బాగుంటేనే ఉద్యోగులకు మంచిదని, యాజమాన్యం, అధికారులు, ఉద్యోగులు, యూనియన్లు కలిసికట్టుగా కృషి చేయాలన్నారు. ఈ కార్యక్రమంలో గ్రూప్ ఏజెంట్ శ్రీధర్, మేనేజర్ సుధీర్ కుమార్ ఝా, గ్రూప్ ఇంజనీర్ శ్రీనివాస భట్టాచార్య, రక్షణ అధికారి శివయ్య, సంక్షేమ అధికారి హరికృష్ణ, పిట్ ఇంజనీర్ శ్యామ్, అసిస్టెంట్ మేనేజర్ లు రాందాస్, వినయ్ రెడ్డి, పిట్ సెక్రటరీ నర్సింగ రావు, అండర్ మేనేజర్లు, సూపర్వైజర్లు, మైనింగ్ స్టాప్, వివిధ యూనియన్ల ప్రతినిధులు, ఉద్యోగులు తదితరులు పాల్గొన్నారు.

నస్పూర్, ఆర్.కె న్యూస్: శ్రీరాంపూర్ ఏరియాలోని ఆర్.కె న్యూటెక్ గనిలో విధులు నిర్వహించి పదవీ విరమణ పొందిన ఎలక్ట్రికల్ ఫోర్ మెన్ వై. రామ్మోహన్ రావును గని మేనేజర్ కురపాటి శ్రీనివాసులు, ఎస్టీపిపి డీజీఎం ఇ. స్వామి రాజు, గుర్తింపు సంఘం ఏరియా కార్యదర్శి ఎస్.కె బాజీ సైదా గురువారం ఘనంగా సన్మానించారు. ఈ సందర్భంగా వారు మాట్లాడుతూ, సింగరేణిలో 42 ఏళ్ల సుదీర్ఘ సేవలు అందించిన రామ్మోహన్ రావు ఉద్యోగులకు ఆదర్శంగా నిలుస్తారని, విధుల్లో నైపుణ్యం ప్రదర్శించి తన ప్రత్యేకతను చాటుకొన్నారని పేర్కొన్నారు. ఉద్యోగ విరమణ  తదుపరి జీవితాన్ని కుటుంబ సభ్యులతో సుఖ సంతోషాలతో గడపాలని ఆకాంక్షించారు. ఈ కార్యక్రమంలో గని రక్షణాధికారి కొట్టె రమేష్ , పిట్ కార్యదర్శి ఆకుల లక్ష్మణ్, సంక్షేమాధికారి పాల్ సృజన్, పిట్ ఇంజనీర్ రాజగోపాల చారి, సర్వే అధికారి పిచ్చేశ్వర్ రావు, వెంటిలేషన్ అధికారి చంద్రమౌళి, అండర్ మేనేజర్లు సాత్విక్, పరమేష్, డి. శ్రీనివాస్, నాయకులు తదితరులు పాల్గొన్నారు.