నస్పూర్, ఆర్.కె న్యూస్: నస్పూర్ మండలం షిర్కే కాలనీలో వినాయక చవితి చందాల లెక్కల విషయమై ఇరువర్గాల మధ్య తలెత్తిన వివాదం పరస్పర దాడులకు దారితీసింది. ఈ నెల 23న నిమజ్జనం ఊరేగింపు సందర్భంగా సీసీసీ కార్నర్ వద్ద కంచర్ల రమేష్, ఆయన సోదరుడు వెంకటేష్‌లపై దొమ్మటి రాజేందర్, గుర్రాల వంశీకృష్ణ దాడి చేశారు. ఈ ఘటనను మనసులో పెట్టుకుని, 24వ తేదీ అర్ధరాత్రి కంచర్ల రమేష్ తన స్నేహితులతో కలిసి రాజేందర్ ఇంటిపై కర్రలతో దాడి చేసి రాజేందర్‌తో పాటు ఆయన స్నేహితులు జగన్, రమేష్‌లను గాయపరిచారు. ఇరువర్గాల ఫిర్యాదుల మేరకు సీసీసీ నస్పూర్ ఎస్సై ఎండీ తహిసీనుద్దీన్ కేసులు నమోదు చేసి దర్యాప్తు జరిపారు. శుక్రవారం ఇరువర్గాలకు చెందిన వారిని అరెస్ట్ చేసినట్లు మంచిర్యాల రూరల్ సీఐ గోపతి రవీందర్ తెలిపారు. పట్టణంలో గ్రూపు తగాదాలు సృష్టిస్తూ శాంతిభద్రతలకు విఘాతం కలిగిస్తే కఠిన చర్యలు తప్పవని సీఐ హెచ్చరించారు.
మర్యాదపూర్వకంగా కలిశారు. ఈ సందర్భంగా వారు శంకర్‌ను శుభాకాంక్షలు తెలిపారు. అనంతరం కుంటాల శంకర్ మాట్లాడుతూ, పార్టీలో తనపై నమ్మకం ఉంచి జిల్లా ఎస్సీ సెల్ ఉపాధ్యక్ష బాధ్యతలు అప్పగించినందుకు ఎమ్మెల్యే ప్రేమ్ సాగర్ రావు, కొక్కిరాల సురేఖలకు ప్రత్యేక ధన్యవాదాలు తెలిపారు. కాంగ్రెస్ పార్టీ బలోపేతానికి, దళితుల సంక్షేమానికి నిరంతరం శ్రమిస్తానని పేర్కొన్నారు. ఈ కార్యక్రమంలో మంచిర్యాల మున్సిపల్ కార్పొరేషన్ మేయర్ ధర్ని మధుకర్, కార్పొరేషన్ కాంగ్రెస్ పార్టీ అధ్యక్షుడు, కార్పొరేటర్ తూముల నరేష్, మంచిర్యాల మార్కెట్ కమిటీ చైర్మన్ రామగిరి బానేష్, కార్పొరేటర్ చింతపండు శ్రీనివాస్, పార్టీ నాయకులు, కార్యకర్తలు పాల్గొన్నారు.
శ్రీలక్ష్మి గణేష్ మండలి వద్ద అర్చకులు సముద్రాల వెంకటరమణ ఆధ్వర్యంలో నిర్వహించిన ప్రత్యేక పూజా కార్యక్రమాల్లో మంచిర్యాల నగర మేయర్ ధర్ని మధుకర్ పాల్గొని స్వామివారికి పూజలు చేశారు. ఈ సందర్భంగా మండలి నిర్వాహకులు మేయర్‌ను శాలువాతో ఘనంగా సత్కరించి స్వామివారి తీర్థప్రసాదాలు అందజేశారు. ఈ సందర్భంగా మేయర్ ధర్ని మధుకర్ మాట్లాడుతూ.. విఘ్నేశ్వరుని కృపాకటాక్షాలతో నగర ప్రజలంతా సుఖసంతోషాలు, ఆయురారోగ్యాలతో వర్ధిల్లాలని ఆకాంక్షించారు. తొమ్మిది రోజుల పాటు కాలనీల్లో భక్తిభావం, ఐక్యత వెల్లివిరిసేలా ఉత్సవాలు నిర్వహించిన మండలి సభ్యులను, భక్తులను అభినందించారు. మండలి ఆధ్వర్యంలో నిర్వహించిన గణపతి లడ్డూ లక్కీ డ్రాలో మంచిర్యాలకు చెందిన టి. ప్రశాంత్‌కు పవిత్ర లడ్డూ ప్రసాదం దక్కింది.
ఉత్సాహభరిత వాతావరణంలో జరిగాయి. ఈ పోటీలకు గోల్డ్ మెడలిస్ట్ ఫ్లూట్ రవి న్యాయనిర్ణేతగా వ్యవహరించారు. ఈ సాంస్కృతిక పోటీల్లో కళాకారులు తమ ప్రతిభతో ఆకట్టుకున్నారు. ఫోక్ డాన్స్ గ్రూప్ విభాగంలో నీలాల శ్రీనివాస్ బృందం, కవ్వాలి విభాగంలో ఎస్కే తాజు బృందం, ఆర్కెస్ట్రా విభాగంలో మేడ పెద్దయ్య బృందం విజేతలుగా నిలిచి బహుమతులు కైవసం చేసుకున్నారు. అలాగే వ్యక్తిగత విభాగాలలో.. జానపద గీతంలో శ్రీనివాస్, ఫ్లూట్ విభాగంలో రవి, కర్ణాటక సంగీతంలో ఎస్టీపీకి చెందిన శ్రీనిధి, గజల్ విభాగంలో తాజుద్దీన్‌తో పాటు శ్రీరాంపూర్ కమ్యూనికేషన్ సెల్ కళాకారులు ఉత్తమ ప్రతిభ కనబరిచి బహుమతులు సాధించారు. ఈ సందర్భంగా స్పోర్ట్స్ సూపర్వైజర్ చాట్ల అశోక్ మాట్లాడుతూ.. విజేతలకు, పాల్గొన్న కళాకారులందరికీ అభినందనలు తెలిపారు. రానున్న నవంబర్ నెలలో మణుగూరు ఏరియాలో జరగనున్న కంపెనీ స్థాయి సాంస్కృతిక పోటీల్లో శ్రీరాంపూర్ ఏరియా సత్తా చాటి పేరు నిలబెట్టాలని పిలుపునిచ్చారు. కళాకారులంతా మరింత సాధన చేసి, కంపెనీ స్థాయిలోనే కాకుండా కోల్ ఇండియా స్థాయి పోటీలకు ఎంపికయ్యేలా రాణించాలని ఆకాంక్షించారు.
మండలి వద్ద నిత్య అన్నదాన కార్యక్రమం భక్తిశ్రద్ధలతో కొనసాగుతోంది. ప్రతిరోజూ భక్తులకు అన్నప్రసాద వితరణ చేస్తూ మండలి సభ్యులు అందరి మన్ననలు పొందుతున్నారు. ఇందులో భాగంగా శనివారం కట్ట వనిత–రమేష్ బాబు దంపతులు విఘ్నేశ్వరునికి ప్రత్యేక పూజలు నిర్వహించి, అనంతరం భక్తులకు అన్నదాన కార్యక్రమాన్ని చేపట్టారు. ఈ సందర్భంగా పెద్ద సంఖ్యలో భక్తులు తరలివచ్చి గణనాథుని దర్శించుకుని, తీర్థప్రసాదాలు స్వీకరించారు. మండలి నిర్వాహకులు భక్తులకు ఎలాంటి అసౌకర్యం కలగకుండా పకడ్బందీగా ఏర్పాట్లు చేశారు.
పాల్గొని భక్తిశ్రద్ధలతో సామూహిక కుంకుమార్చన పూజలు నిర్వహించారు. కాలనీ ప్రజలందరూ ఆయురారోగ్యాలు, సకల శుభాలతో వర్ధిల్లాలని కోరుతూ పూజా కార్యక్రమాల్లో పాల్గొన్నారు. అర్చకుల వేదమంత్రోచ్ఛారణల నడుమ వినాయకుడికి విశేష పూజలు చేసిన మహిళలు, కుంకుమార్చన గావించి స్వామివారికి నైవేద్యాలు సమర్పించి మహాహారతి ఇచ్చారు. అనంతరం నాంపల్లి తిరుపతి, గాండ్ల సుధీర్ భక్తులకు అన్నదాన కార్యక్రమం నిర్వహించగా, మండలి ప్రతినిధులు తీర్థప్రసాదాలు పంపిణీ చేశారు. ఈ కార్యక్రమంలో మండలి నిర్వాహకులు మేడం తిరుపతి, ఎంబండి సమ్మయ్య, గడ్డం చంద్రయ్య, బెడద మహేందర్, కనవేని ఓదెలు, లశెట్టి గంగాధర్, రామంచ సంపత్, ఆంజనేయ ప్రసాద్, ముష్కే రవి, కాలనీ పెద్దలు, భక్తులు పాల్గొన్నారు.