KYATHAM RAJESH 
- ఎస్ఆర్ఆర్ హై స్కూల్లో ఘనంగా బోనాల వేడుకలు
- అలరించిన విద్యార్థుల సాంస్కృతిక ప్రదర్శనలు
నస్పూర్, ఆర్.కె న్యూస్: తెలంగాణ సంస్కృతి, సంప్రదాయాలకు బోనాల పండుగ ప్రతీక అని ఎస్ఆర్ఆర్ హై స్కూల్ ప్రిన్సిపాల్ రేగళ్ల ఉపేందర్ పేర్కొన్నారు. నస్పూర్ పట్టణంలోని ఏఎస్ఆర్ఆర్ నగర్లోని ఎస్ఆర్ఆర్ హై స్కూల్లో తెలంగాణ రాష్ట్ర పండుగ అయిన బోనాల వేడుకలను ఘనంగా నిర్వహించారు. ఈ సందర్భంగా పాఠశాల ప్రాంగణంలో విద్యార్థులు బోనం పోసి, పోతురాజులు, అమ్మవార్ల వేషధారణలతో అలరించారు. అనంతరం ప్రిన్సిపాల్ ఉపేందర్ మాట్లాడుతూ బోనాల పండుగ విశిష్టతను, గ్రామీణ దేవతల ప్రాముఖ్యతను విద్యార్థులకు వివరించారు. బోనం సమర్పించడం వెనుక ఉన్న సంప్రదాయ విశేషాలను తెలియజేశారు. ఈ సందర్భంగా విద్యార్థులు చేసిన నృత్య ప్రదర్శనలు అందరినీ ఎంతగానో ఆకట్టుకున్నాయి. ఈ కార్యక్రమంలో ఉపాధ్యాయులు సత్యనారాయణ, సుష్మా, పద్మ, భారతి, సత్యవతి, రాధ, మనోజ, తిరుపతమ్మ, హీనా, మౌనిక, భాగ్యలక్ష్మి, మహేష్ తదితరులతో పాటు పెద్ద సంఖ్యలో విద్యార్థులు పాల్గొన్నారు.
