సోన్, ఆర్.కె న్యూస్: సోన్ మండలంలోని మాదాపూర్ గ్రామానికి చెందిన బాధిత కుటుంబాలను బుధవారం బీఆర్ఎస్ నిర్మల్ నియోజకవర్గ ఇన్‌ఛార్జ్ రామ్‌కిషన్ రెడ్డి పరామర్శించారు. గత శుక్రవారం జరిగిన రోడ్డు ప్రమాదంలో మరణించిన దేవుల అక్షయ్, పడాల మహేష్‌ల కుటుంబాలను సందర్శించి, మృతుల తల్లిదండ్రులను, కుటుంబ సభ్యులను ప్రమాద వివరాలు అడిగి తెలుసుకున్నారు. అనంతరం తన ప్రగాఢ సానుభూతిని వ్యక్తం చేస్తూ, కుటుంబ సభ్యులు మనోధైర్యంతో ఉండాలని ఓదార్చారు. ఆయన వెంట బీఆర్ఎస్ సోన్ మండల అధ్యక్షుడు సాయారెడ్డి, మహేశ్వర్ రెడ్డి, ముత్యం రెడ్డి, సల్ల ప్రశాంత్ తదితరులు ఉన్నారు.