KYATHAM RAJESH

• మున్సిపల్ కమిషనర్‌కు పద్మశాలి స్వచ్ఛంద సేవా సంస్థ వినతి

నస్పూర్, ఆర్.కె న్యూస్: స్వతంత్ర సమరయోధుడు, తెలంగాణ ఉద్యమ పితామహుడు కొండా లక్ష్మణ్ బాపూజీ కాంస్య విగ్రహాన్ని మంచిర్యాల జిల్లా కేంద్రంలో ప్రతిష్టించాలని భక్త మార్కండేయ పద్మశాలి స్వచ్ఛంద సేవా సంస్థ డిమాండ్ చేసింది. ఈ మేరకు సంస్థ అధ్యక్షుడు గజెల్లి వెంకటయ్య గురువారం మున్సిపల్ కమిషనర్‌కు వినతిపత్రం సమర్పించారు. నైజాం నిరంకుశత్వానికి, రజాకార్ల దాష్టీకానికి వ్యతిరేకంగా పోరాడటమే కాకుండా, తెలంగాణ మలిదశ ఉద్యమం కోసం మంత్రి పదవిని సైతం త్యాగం చేసిన గొప్ప వ్యక్తి బాపూజీ అని ఈ సందర్భంగా గుర్తు చేశారు. జిల్లా కేంద్రంలో ఇతర ప్రాంతాల నాయకుల విగ్రహాలకు అనుమతులు ఇస్తున్న అధికారులు, తెలంగాణ ఉద్యమకారుడు బాపూజీ విగ్రహ ఏర్పాటుకు గత పదేళ్లుగా నిరాకరించడంపై ప్రతినిధులు ఆగ్రహం వ్యక్తం చేశారు. గత ప్రభుత్వం, మున్సిపల్ అధికారులు ఈ విషయంలో నిర్లక్ష్యంగా వ్యవహరించడం తెలంగాణ వాదులను అవమానించడమేనని పేర్కొన్నారు. రాష్ట్రం ఏర్పడిన తర్వాత కూడా అమరవీరుల, ఉద్యమకారుల విగ్రహాల ఏర్పాటుకు అడ్డంకులు సృష్టించడం సరికాదన్నారు. ప్రస్తుత కాంగ్రెస్ ప్రభుత్వం, స్థానిక ప్రజాప్రతినిధులు చొరవ తీసుకుని జిల్లా కేంద్రంలో బాపూజీ విగ్రహ స్థాపనకు తక్షణమే అనుమతులు మంజూరు చేయాలని కోరారు. విగ్రహ ఏర్పాటుకు సహకరించని పక్షంలో అన్ని కుల, ప్రజా సంఘాల మద్దతుతో శాంతియుతంగా ఆందోళనలు చేపడతామని తెలిపారు. రాష్ట్ర, అఖిల భారత పద్మశాలి సంఘాల నాయకులు కూడా ఈ విగ్రహ స్థాపన కోసం కృషి చేయాలని వారు విన్నవించారు.

బీజేపీ రాష్ట్ర ఉపాధ్యక్షుడు వెరబెల్లి రఘునాథ్

శ్రీరాంపూర్ జీఎం కార్యాలయం ఎదుట బీజేపీ భారీ ధర్నా

నస్పూర్, ఆర్.కె న్యూస్: కాంగ్రెస్ ప్రభుత్వం సింగరేణి సంస్థను ఏటీఎంగా వాడుకుంటూ, ముఖ్యమంత్రి కుటుంబ సభ్యులకు కాంట్రాక్టులు కట్టబెడుతూ సంస్థను దోచుకుంటోందని బీజేపీ రాష్ట్ర ఉపాధ్యక్షుడు వెరబెల్లి రఘునాథ్ ఆరోపించారు. గురువారం శ్రీరాంపూర్ జీఎం కార్యాలయం ఎదుట బీజేపీ మంచిర్యాల జిల్లా అధ్యక్షుడు నగునూరి వెంకటేశ్వర్ గౌడ్ నేతృత్వంలో పార్టీ శ్రేణులు ధర్నా నిర్వహించిన అనంతరం ఏరియా ఎస్ఓటు జీఎం ఎన్. సత్యనారాయణకు వినతి పత్రం అందజేశారు. అంతకుముందు నాయకులు ఆర్.కే 5 కాలనీలోని సింగరేణి క్వార్టర్లను పరిశీలించి, కార్మికుల సమస్యలను అడిగి తెలుసుకున్నారు. ఈ సందర్భంగా వెరబెల్లి రఘునాథ్ మాట్లాడుతూ.. ఎన్నికల సమయంలో సింగరేణి కార్మికులకు ఇచ్చిన హామీలను అమలు చేయడంలో ప్రభుత్వం విఫలమైందని విమర్శించారు. క్వార్టర్ల మరమ్మతులు చేపట్టాలని, సింగరేణి స్థలాల్లో నివసిస్తున్న వారికి ఇళ్ల పట్టాలు ఇవ్వాలని, రిటైర్డ్ కార్మికులకు రెండు గుంటల భూమి కేటాయించాలని డిమాండ్ చేశారు. సింగరేణి నిధులను రాష్ట్ర ప్రభుత్వం ఇతర పథకాలకు మళ్లిస్తోందని, కార్మికుల మౌలిక వసతులను పట్టించుకోవడం లేదని ఆగ్రహం వ్యక్తం చేశారు. కార్మికుల సమస్యలు పరిష్కరించనందుకు నిరసనగా జిల్లాకు వస్తున్న ఉపముఖ్యమంత్రి భట్టి విక్రమార్క పర్యటనను అడ్డుకోవాలని ప్రజలకు పిలుపునిచ్చారు. ఈ కార్యక్రమంలో బిజెపి జిల్లా ప్రధాన కార్యదర్శి ఎలగందుల కృష్ణమూర్తి, జిల్లా ఉపాధ్యక్షులు పి. కమలాకర్ రావు, జిల్లా సోషల్ మీడియా ఇంచార్జి జయరాం, జిల్లా ఎస్సీ సెల్ ప్రధాన కార్యదర్శి మిట్టపల్లి మొగిలి, జిల్లా కౌన్సిల్ సభ్యులు వీర్ల సదానందం, సామ్రాజ రమేష్, మాలోత్ జ్యోతి, శ్రీరాంపూర్, నస్పూర్ జోన్ అధ్యక్షులు సత్రం రమేష్, కుర్ర చక్రవర్తి, నాయకులు కొనవేని సదయ్య, భద్ర శ్రీకాంత్, మద్ది సుమన్, బోర్ల చిరంజీవి, జీవి ఆనంద్ కృష్ణ, పానుగంటి మధు, పాషా, నాయకులు తదితరులు పాల్గొన్నారు.

ఉమ్మడి ఆదిలాబాద్ జిల్లా నోడల్ అధికారి అంబటి శ్రీనివాస్ గౌడ్
ఐజా ఇంజినీరింగ్ కళాశాలలో శిక్షణ తరగతుల పరిశీలన

మంచిర్యాల, ఆర్.కె న్యూస్: గ్రామ పరిపాలనలో నూతన సర్పంచులు పట్టు సాధించాలని, పంచాయతీ రాజ్ చట్టాలపై పూర్తి అవగాహన కలిగి ఉండాలని ఉమ్మడి ఆదిలాబాద్ జిల్లా నోడల్ అధికారి అంబటి శ్రీనివాస్ గౌడ్ సూచించారు. ముల్కల్లలోని ఐజా ఇంజినీరింగ్ కళాశాల వేదికగా జిల్లా స్థాయి నూతన సర్పంచులకు నిర్వహిస్తున్న శిక్షణ తరగతులను జిల్లా పంచాయతీ అధికారి డి. వెంకటేశ్వరరావుతో కలిసి ఆయన సందర్శించారు. ఈ సందర్భంగా శిక్షణ కోసం ఏర్పాటు చేసిన తరగతి గదులు, పురుషులు, మహిళలకు వేర్వేరుగా కల్పించిన వసతి సౌకర్యాలను క్షుణ్ణంగా పరిశీలించారు. ఏర్పాట్ల పట్ల సంతృప్తి వ్యక్తం చేస్తూ సంబంధిత అధికారులను అభినందించారు.

శిక్షణలో ఉన్న సర్పంచులను ఉద్దేశించి అంబటి శ్రీనివాస్ గౌడ్ మాట్లాడుతూ.. గ్రామాల్లో పారదర్శకమైన పాలన అందించేందుకు ఈ శిక్షణ ఎంతో దోహదపడుతుందని పేర్కొన్నారు. సుశిక్షితులైన మాస్టర్ ట్రైనర్ల ద్వారా చట్టపరమైన అంశాలను, నిధులను వెచ్చించే విధానాలను అడిగి తెలుసుకోవాలని కోరారు. అనంతరం జిల్లా పంచాయతీ అధికారి డి. వెంకటేశ్వరరావు మాట్లాడుతూ.. శిక్షణకు హాజరయ్యే వారు తప్పనిసరిగా సమయపాలన పాటించాలని, ప్రతి అంశాన్ని శ్రద్ధగా నేర్చుకుని క్షేత్రస్థాయిలో అమలు చేయాలని సూచించారు.

ఈ కార్యక్రమంలో మండల పరిషత్ అభివృద్ధి అధికారులు మోహన్, సాయి వెంకట్ రెడ్డి, మండల పంచాయతీ అధికారులు శ్రీపతి బాపు రావు, వేదాల శ్రీనివాస్, సత్యనారాయణ రెడ్డి పాల్గొన్నారు. వీరితో పాటు మాస్టర్ ట్రైనర్లు అనిల్ కుమార్, వెంకటేష్, మహేష్, సత్యనారాయణ, వెంకటేశ్వర్లు, ఉమ్మడి జిల్లా ట్రైనింగ్ మేనేజర్ శారద, జిల్లా ప్రాజెక్ట్ మేనేజర్ నరేందర్, జిల్లా పంచాయతీ కార్యాలయ సిబ్బంది హాజరయ్యారు.

వైద్య ఖర్చుల నిమిత్తం రూ.10 వేల ఆర్థిక సాయం అందజేత

నస్పూర్, ఆర్.కె న్యూస్: కిడ్నీ సంబంధిత వ్యాధితో పోరాడుతున్న నిరుపేద కూలీ బిడ్డను ఆదుకునేందుకు ఆత్మీయ చారిటబుల్ ట్రస్ట్ (అక్ట్) ముందుకొచ్చింది. మంచిర్యాల జిల్లా నస్పూర్ మండలం ఆర్‌కే 6 కొత్త గుడిసెలకు చెందిన కూలీ జాడి సుధాకర్ నాలుగు ఏళ్ల కుమార్తె తీవ్ర అనారోగ్యంతో సికింద్రాబాద్‌లోని రెయిన్‌బో పిల్లల ఆసుపత్రిలో చికిత్స పొందుతోంది. చిన్నారి చికిత్సకు సుమారు 8 నుంచి 10 లక్షల రూపాయల ఖర్చు అవుతుందని వైద్యులు తెలపడంతో, అంత మొత్తం భరించే స్తోమత లేక ఆ తండ్రి దాతల సాయం కోసం ఎదురుచూస్తున్నాడు. ఈ విషయం తెలుసుకున్న ఆత్మీయ చారిటబుల్ ట్రస్ట్ సభ్యులు హైదరాబాద్‌లోని ఆసుపత్రికి వెళ్లి పాప ఆరోగ్య పరిస్థితిని అడిగి తెలుసుకున్నారు. అనంతరం బాధిత తండ్రి సుధాకర్‌కు ట్రస్ట్ తరఫున 10 వేల రూపాయల తక్షణ ఆర్థిక సాయాన్ని అందజేశారు. అత్యంత క్లిష్ట పరిస్థితుల్లో ఉన్న ఈ కుటుంబానికి అండగా నిలిచేందుకు దాతలు ఉదారంగా ముందుకు రావాలని ట్రస్ట్ ప్రతినిధులు విజ్ఞప్తి చేశారు. ఈ కార్యక్రమంలో ట్రస్ట్ సభ్యులు డి. ప్రేమ్ కుమార్, వెంకటరామిరెడ్డి, పి. శ్రీనివాస్ పాల్గొన్నారు.

వేమనపల్లి, ఆర్.కె న్యూస్: వేమనపల్లి తహసీల్దార్ గా బి.సాయి బాబు గురువారం బాధ్యతలు స్వీకరించారు. గతంలో పనిచేసిన సాయిబాబు లెక్టరేట్ కి బదిలీ కాగా నాయబ్ తహసీల్దార్ సాయికృష్ణ కు తహసీల్దార్ గా పూర్తి అదనపు బాధ్యతలు అప్పగించారు. మళ్ళీ తిరిగి వేమనపల్లి మండల తహసీల్దార్ గా సాయిబాబు బాధ్యతలు స్వీకరించారు. అనంతరం తహసీల్దార్ మాట్లాడుతూ భూభారతి, ఇతర సర్టిఫికెట్లు, వివిధ అవసరాల కోసం వచ్చేవారు నేరుగా తనను కలవొచ్చని చెప్పారు. ఈ సందర్భంగా రెవిన్యూ సిబ్బంది తహాసీల్దార్ కి స్వాగతం పలికారు. వీరిలో నాయబ్ తహసీల్దారు సాయి కృష్ణ, ఆర్ఐ ఖాళిక్ రెవిన్యూ సిబ్బంది ఉన్నారు.

• మార్చిలో కొత్తగూడెంలో భారీ ప్రదర్శన

హైదరాబాద్ (పోచారం), ఆర్.కె న్యూస్: సింగరేణి విశ్రాంత ఉద్యోగుల కనీస పెన్షన్ పదివేల రూపాయలకు పెంచాలని, కరువు భత్యంతో కూడిన పెన్షన్ సౌకర్యం కల్పించాలని సింగరేణి రిటైర్డ్ ఎంప్లాయిస్ వెల్ఫేర్ అసోసియేషన్ డిమాండ్ చేసింది. గ్రేటర్ హైదరాబాద్ పోచారం సర్కిల్ పరిధిలోని కొర్రెముల సుప్రభాత్ టౌన్‌షిప్‌లో అసోసియేషన్ అధ్యక్షుడు దండంరాజు రామచందర్ రావు అధ్యక్షతన కార్యవర్గ సమావేశం నిర్వహించారు. రిటైర్డ్ ఉద్యోగుల సమస్యల పరిష్కారం కోసం భవిష్యత్ కార్యాచరణపై ఈ సందర్భంగా సుదీర్ఘంగా చర్చించారు. సమావేశంలో అసోసియేషన్ ప్రధాన కార్యదర్శి ఆళవందార్ వేణు మాధవ్ మాట్లాడుతూ.. పెన్షన్ పెంపుదల కోసం గతంలో ఢిల్లీ, వారణాసి, కోల్‌కతా, కొత్తగూడెంలలో భారీ నిరసనలు చేపట్టినట్లు గుర్తు చేశారు. రిటైర్డ్ ఉద్యోగులకు అన్ని రకాల వైద్య సేవలను ఉచితంగా అందించాలని ఇప్పటికే పలువురు కేంద్ర మంత్రులు, అధికారులకు వినతులు సమర్పించినట్లు తెలిపారు. సీపీఆర్‌ఎంఎస్ మెడికల్ కార్డు ఉన్నవారికి, వారి కార్డులో ఉన్న నగదు నిల్వ (బ్యాలెన్స్) వివరాలను ప్రతి నెలా మొబైల్ ఫోన్లకు సందేశాల రూపంలో పంపాలని సింగరేణి యాజమాన్యాన్ని డిమాండ్ చేశారు. ఆల్ ఇండియా కోల్ పెన్షనర్స్ అసోసియేషన్ ఆధ్వర్యంలో మార్చి నెలలో కొత్తగూడెంలో నిర్వహించ తలపెట్టిన భారీ ప్రదర్శనను విజయవంతం చేయాలని సమావేశం తీర్మానించింది. ఈ నిరసనలో సింగరేణి విశ్రాంత ఉద్యోగులు పెద్ద సంఖ్యలో పాల్గొనాలని పిలుపునిచ్చారు. అనంతరం, గత నెలలో జరిగిన జనరల్ బాడీ సమావేశానికి భోజన ఏర్పాట్లు చేసిన సామంతల నర్సింగ్ రావును కార్యవర్గ సభ్యులు అభినందించారు. ఈ సమావేశంలో అసోసియేషన్ ప్రతినిధులు ఎం. విజయ బాబు, కె. బీరయ్య, ఎస్. నర్సింగ్ రావు, టి. ఉమాకర్, పార్థసారథి, జయంత్ కుమార్, ఎం. రాజనర్సు, చుక్కల నర్సయ్య, లక్ష్మీ నారాయణ పాల్గొన్నారు. ముఖ్య సలహాదారు టి. ఉమాకర్ కృతజ్ఞతలు తెలిపారు.

• కాచవాని సింగారంలో డెమొక్రటిక్ సీనియర్ సిటిజన్స్ వెల్ఫేర్ అసోసియేషన్ డైరీ ఆవిష్కరణ

హైదరాబాద్, ఆర్.కె న్యూస్: తెలంగాణలోని వయోధికులు ఎదుర్కొంటున్న సమస్యలను ప్రభుత్వం, అధికారుల దృష్టికి తీసుకెళ్లి పరిష్కరించడమే లక్ష్యంగా డెమొక్రటిక్ సీనియర్ సిటిజన్స్ వెల్ఫేర్ అసోసియేషన్ పనిచేస్తుందని ఆ సంస్థ రాష్ట్ర నాయకత్వం స్పష్టం చేసింది. బుధవారం గ్రేటర్ హైదరాబాద్ మున్సిపల్ కార్పొరేషన్ పరిధిలోని కాచవాని సింగారంలో నిర్వహించిన కార్యక్రమంలో అసోసియేషన్ నూతన డైరీని రాష్ట్ర అధ్యక్షుడు తోట రంగయ్య ఆవిష్కరించారు. రాష్ట్రవ్యాప్తంగా వృద్ధుల సంక్షేమం కోసం ఉమ్మడి కార్యాచరణ రూపొందించనున్నట్లు ఈ సందర్భంగా ప్రకటించారు. అసోసియేషన్ రాష్ట్ర ప్రధాన కార్యదర్శి ఆళవందార్ వేణు మాధవ్ మాట్లాడుతూ.. గతంలో అమల్లో ఉన్న ప్రయాణ రాయితీలను ప్రభుత్వం వెంటనే పునరుద్ధరించాలని డిమాండ్ చేశారు. ముఖ్యంగా ఆర్టీసీ బస్సుల్లో వయోధికులకు టికెట్ ధరపై 50 శాతం రాయితీ కల్పించాలని, రైల్వే ప్రయాణాల్లో నిలిపివేసిన రాయితీలను తిరిగి ప్రారంభించాలని కోరారు. గ్రామీణ ప్రాంతాల్లోని వృద్ధుల ఆరోగ్యాన్ని దృష్టిలో ఉంచుకుని ప్రత్యేక వైద్య శిబిరాలు ఏర్పాటు చేయాల్సిన అవసరం ఉందన్నారు. వయోధికుల హక్కుల రక్షణ కోసం ఈ నూతన అసోసియేషన్ నిరంతరం పోరాడుతుందని పేర్కొన్నారు. డైరీ ప్రచురణలో కీలక పాత్ర పోషించిన ముత్యాల గౌడ్, కృష్ణ మూర్తిలను ఈ సందర్భంగా సంఘ సభ్యులు అభినందించారు. ఈ కార్యక్రమంలో అసోసియేషన్ రాష్ట్ర ఉపాధ్యక్షుడు ఎం. ముత్యాల గౌడ్, సంయుక్త కార్యదర్శి వి. ఇన్నా రెడ్డి, మేడ్చల్ జిల్లా ఆర్గనైజింగ్ కార్యదర్శి టి. కృష్ణ మూర్తి, ఘాట్ కేసర్ మండల అధ్యక్షుడు ప్రభాకర్ గౌడ్, సభ్యులు వి. రాములు, విద్యా సాగర్, సి.హెచ్. రాములు తదితరులు పాల్గొన్నారు.

• సీఎం బంధువులకు కాంట్రాక్టుల కట్టబెట్టడంపై ఆగ్రహం
• శ్రీరాంపూర్ జీఎం కార్యాలయం ముట్టడి

నస్పూర్, ఆర్.కె న్యూస్: సింగరేణి సంస్థ పరిధిలోని నైని బొగ్గు బ్లాక్ కాంట్రాక్టు కేటాయింపుల్లో జరిగిన అవకతవకలను నిరసిస్తూ బుధవారం శ్రీరాంపూర్ జీఎం కార్యాలయం ముందు టీబీజీకేఎస్ శ్రేణులు భారీ ధర్నా నిర్వహించాయి. బిఆర్ఎస్ వర్కింగ్ ప్రెసిడెంట్ కేటీఆర్ ఆదేశాల మేరకు జరిగిన ఈ కార్యక్రమంలో సింగరేణి కార్మికులు, యూనియన్ నాయకులు పెద్ద సంఖ్యలో పాల్గొన్నారు. అనంతరం జీఎం మునిగంటి శ్రీనివాస్ కు వినతి పత్రం అందజేశారు. ముఖ్యమంత్రి రేవంత్ రెడ్డి తన బావమరిది సృజన్ రెడ్డికి అక్రమంగా టెండర్లు కేటాయించారని ఆరోపిస్తూ నినాదాలు చేశారు. తెలంగాణ ప్రజల సొమ్మును దోచిపెట్టేందుకే కాంగ్రెస్ ప్రభుత్వం స్కాములకు తెరలేపిందని ధ్వజమెత్తారు. ఈ సందర్భంగా మంచిర్యాల మాజీ ఎమ్మెల్యే నడిపెల్లి దివాకర్ రావు, టీబీజీకేఎస్ రాష్ట్ర ప్రధాన కార్యదర్శి కేతిరెడ్డి సురేందర్ రెడ్డి మాట్లాడుతూ.. ప్రజా పాలన పేరుతో ముఖ్యమంత్రి తన కుటుంబ సభ్యులకు రాష్ట్ర సంపదను పంచుతున్నారని విమర్శించారు. గత ప్రభుత్వ హయాంలో పారదర్శకంగా జరిగిన టెండర్ల ప్రక్రియను మార్చి, ప్రస్తుతం సైట్ విజిట్ పేరుతో అక్రమాలకు పాల్పడుతున్నారని మండిపడ్డారు. దీనివల్ల శ్రీరాంపూర్ ఓసి-2 ఎక్స్టెన్షన్, ఇందారం ఓసి ప్రాజెక్టుల ఓబీ పనుల్లో వేల కోట్ల రూపాయల దోపిడీకి కాంగ్రెస్ ప్రభుత్వం రూపకల్పన చేసిందని ఆరోపించారు. గతంలో ఓబీ కాంట్రాక్టర్లకు సింగరేణి సంస్థే డీజిల్ సరఫరా చేసి లాభాలు పొందేదని, ఇప్పుడు ఆ బాధ్యతను కాంట్రాక్టర్లకే అప్పగించి సంస్థకు నష్టం చేకూరుస్తున్నారని నేతలు పేర్కొన్నారు. సింగరేణి నిధులతో ఫుట్‌బాల్ క్రీడలు నిర్వహించిన ముఖ్యమంత్రి, సంస్థ ఆవిర్భావ దినోత్సవాన్ని ఎందుకు జరపలేదని ప్రశ్నించారు. గతేడాది మార్చి నుండి మెడికల్ బోర్డు నిర్వహించకుండా కారుణ్య నియామకాలను అడ్డుకుంటున్నారని ఆగ్రహం వ్యక్తం చేశారు. సింగరేణి ప్రైవేటీకరణ దిశగా ప్రభుత్వం అడుగులు వేస్తోందని, కార్మికులు ఈ అన్యాయాలను తిప్పికొట్టాలని పిలుపునిచ్చారు. ఈ కార్యక్రమంలో బిఆర్ఎస్ పార్టీ రాష్ట్ర నాయకులు నడిపెల్లి విజిత్ కుమార్ నడిపెల్లి విజిత్ కుమార్, టీబీజీకేఎస్ ఏరియా ఉపాధ్యక్షులు బండి బండి రమేష్, బిఆర్ఎస్ నస్పూర్ పట్టణ అధ్యక్షులు అక్కురి సుబ్బయ్య, టీబీజీకేఎస్ నాయకులు పానుగంటి సత్తయ్య, అన్వేష్ రెడ్డి, ఎండి లాల, గడ్డం వెంకట్ రెడ్డి, గడ్డం మైపాల్ రెడ్డి, గొర్ల సంతోష్, ఉత్తేజి రెడ్డి, తొంగల రమేష్, పిట్ సెక్రటరీలు గడ్డం మల్లయ్య, జైపాల్ రెడ్డి, కురుమ వికాస్, సురేందర్ రెడ్డి, చిప్ప రమేష్, రాజిరెడ్డి, తిరుపతి రావు, సముద్రాల అన్వేష్ తదితరులు పాల్గొన్నారు.

• క్షేత్రస్థాయిలో సమస్యలు పరిశీలించిన నాయకులు.. మేనేజర్‌కు వినతి

నస్పూర్, ఆర్.కె న్యూస్: శ్రీరాంపూర్ ఏరియాలోని ఆర్‌కే-7 గనిని బుధవారం ఏఐటీయూసీ నాయకులు సందర్శించి కార్మికుల సమస్యలను అడిగి తెలుసుకున్నారు. గనిలోని ప్రతి విభాగాన్ని తిరుగుతూ క్షేత్రస్థాయిలో ఉన్న ఇబ్బందులను నాయకులు స్వయంగా గుర్తించారు. నాణ్యమైన హ్యాండ్ గ్లౌజెస్ పంపిణీ చేయకపోవడం వల్ల కార్మికులు తరచూ గాయాలపాలవుతున్నారని ఆవేదన వ్యక్తం చేశారు. నాణ్యత లేని డ్రిల్ బిట్లు త్వరగా విరిగిపోతున్నాయని, వెంటనే మెరుగైన పరికరాలు అందించాలని డిమాండ్ చేశారు. చలికాలం ముదురుతున్నా కార్మికులకు ఇవ్వాల్సిన గరీంకోట్లు (స్వెటర్లు) ఇవ్వకపోవడాన్ని తప్పుబట్టారు. సపోర్ట్ మెన్లు, ట్రామర్ల కోసం ప్రత్యేక గదులను నిర్మించాలని యాజమాన్యాన్ని కోరారు. ప్రతి కార్మికుడికి లాకర్ తో కూడిన కబోర్డుల సౌకర్యం కల్పించాలని సూచించారు. కొత్తగా చేరిన ట్రేడ్స్‌మెన్లకు అవసరమైన టూల్స్, హెల్పర్లను కేటాయించాలని కోరారు. దుమ్ము నివారణకు ఎస్ అండ్ పీసీ గేటు నుండి గని వరకు నిరంతరం నీటిని స్ప్రే చేయాలని పేర్కొన్నారు. పని ప్రదేశాల్లో తగినంత మంది కార్మికులను నియమించి నాణ్యమైన బూట్లు సరఫరా చేయాలన్నారు. ఈ సమస్యలపై గని మేనేజర్‌ను కలిసి కలిసి కార్మికుల సమస్యలను వివరించగా, ఆయన సానుకూలంగా స్పందించి త్వరలో పరిష్కరిస్తామని హామీ ఇచ్చారు. ఈ కార్యక్రమంలో ఏఐటీయూసీ డిప్యూటీ జనరల్ సెక్రటరీలు కందికట్ల వీరభద్రయ్య, ముష్కే సమ్మయ్య, బ్రాంచ్ సెక్రటరీ బాజీ సైదా, ఏరియా సెక్రటరీ అడ్డు శ్రీనివాస్ పాల్గొన్నారు. వీరితో పాటు పిట్ సెక్రటరీ మారేపల్లి సారయ్య, అసిస్టెంట్ పిట్ సెక్రటరీ సదానందం, ప్రతినిధి రాజ్ కుమార్, నాయకులు బానేష్, పవన్, నాగరాజు, రవితేజ, కుమారస్వామి, పైడి పాల్గొన్నారు.

ధ్యాత్మిక శోభతో పులకించిన ఆలయ ప్రాంగణం
భక్తిశ్రద్ధలతో రుద్ర హోమం, అన్నప్రసాద వితరణ

నస్పూర్, ఆర్.కె న్యూస్: నస్పూర్ పద్మశాలి సంఘం, లక్ష్మి గణపతి శివ మార్కండేయ మహదుర్గ దేవాలయ కమిటీ సంయుక్త ఆధ్వర్యంలో బుధవారం భక్త మార్కండేయ జయంతి వేడుకలు ఘనంగా జరిగాయి. ఆలయ ప్రాంగణంలో నిర్వహించిన ఈ కార్యక్రమంలో స్థానిక భక్తులు పెద్ద సంఖ్యలో పాల్గొని మొక్కులు తీర్చుకున్నారు. ఉదయం మార్కండేయ మహర్షి చిత్రపటానికి పూలమాలలు వేసి నివాళులర్పించిన అనంతరం పతాకావిష్కరణ చేశారు. ఆలయ అర్చకులు రాంబట్ల ఆనంద్ శర్మ, సాత్విక్, ఆకాష్ బృందం ఆధ్వర్యంలో శాస్త్రోక్తంగా రుద్ర హోమం నిర్వహించారు. భక్తుల శివనామ స్మరణ, జై మార్కండేయ నినాదాలతో ఆలయ పరిసరాలు ఆధ్యాత్మిక వాతావరణాన్ని సంతరించుకున్నాయి. పూజా కార్యక్రమాల అనంతరం భక్తులకు భారీస్థాయిలో అన్న ప్రసాద వితరణ చేపట్టారు. ఈ వేడుకల్లో శ్రీరాంపూర్ జీఎం మునిగంటి శ్రీనివాస్-ఉమారాణి దంపతులు పాల్గొని ప్రత్యేక పూజలు నిర్వహించారు. ఈ సందర్భంగా జీఎం మాట్లాడుతూ.. ఆలయ కమిటీ ప్రతి ఏటా మార్కండేయ జయంతితో పాటు పలు ఆధ్యాత్మిక కార్యక్రమాలను క్రమశిక్షణతో నిర్వహించడం అభినందనీయమన్నారు. కోల్ బెల్ట్ ప్రాంత ప్రజలు భగవంతుని ఆశీస్సులతో సుఖసంతోషాలతో, ఆయురారోగ్యాలతో ఉండాలని ఆకాంక్షించారు. సింగరేణి యాజమాన్యం తరపున ఆలయ అభివృద్ధికి నిరంతరం సహాయ సహకారాలు అందిస్తున్నట్లు ఆయన పేర్కొన్నారు. ఈ కార్యక్రమంలో పద్మశాలి సంఘం, ఆలయ కమిటీ అధ్యక్షులు చిలగాని బొడ్డయ్య, సిరిపురం రామన్న, మహిళా అధ్యక్షురాలు చిప్ప సులోచన, మాటేటి వెంకన్న, కొండా శ్రీనివాస్, కుందారపు రమేష్, తౌటం మల్లేష్, పెరుమాండ్ల సరోజన, చిప్ప రాజబాబు, సబ్బని భాస్కర్, కటకం లక్ష్మణ్, ఆడేటి రాజన్న, కుందారపు రాములు, క్యాతం రాజేష్, ఆడేటి సత్యనారాయణ తదితరులు పాల్గొన్నారు.