KYATHAM RAJESH

ఉద్యోగ బాధ్యతల్లో మరిన్ని ఉన్నత శిఖరాలను అధిరోహించాలి

బీసీ, ఓబీసీ ఎంప్లాయీస్ వెల్ఫేర్ అసోసియేషన్

నస్పూర్, ఆర్.కె న్యూస్: శ్రీరాంపూర్ ఏరియా నూతన సెక్యూరిటీ ఆఫీసర్‌గా నియమితులైన హనుమాన్ గౌడ్‌ను శ్రీరాంపూర్ ఏరియా సింగరేణి కాలరీస్ బీసీ, ఓబీసీ ఎంప్లాయీస్ వెల్ఫేర్ అసోసియేషన్ ఆధ్వర్యంలో శుక్రవారం ఘనంగా సన్మానించి శుభాకాంక్షలు తెలిపారు. అసోసియేషన్ నాయకులు ఆయనను పూలబొకే, శాలువాతో సత్కరించి, ఉద్యోగ జీవితంలో మరిన్ని ఉన్నత పదవులను అధిరోహించాలని ఆకాంక్షించారు. కార్యక్రమానికి ముఖ్య అతిథిగా హాజరైన అసోసియేషన్ రాష్ట్ర నాయకులు సమ్మయ్య, ఉపాధ్యక్షులు శ్రీనివాస్, బ్రాంచ్ కార్యదర్శి మారుతి, బద్రి బుచ్చయ్య మాట్లాడుతూ.. బీసీ ఉద్యోగుల్లో చైతన్యం మరింత పెరగాల్సిన అవసరం ఉందని పేర్కొన్నారు. ఉద్యోగులు తమ ప్రతిభ, నైపుణ్యాలను పెంపొందించుకుంటూ ఉన్నత స్థానాలకు ఎదగాలని, తోటి కార్మికుల సంక్షేమానికి ఎల్లప్పుడూ అండగా నిలవాలని సూచించారు. నూతన ఏరియా సెక్యూరిటీ ఆఫీసర్‌గా బాధ్యతలు చేపట్టిన హనుమాన్ గౌడ్ తన విధులను సమర్థవంతంగా నిర్వహిస్తూ కార్మికుల పట్ల సహకార భావంతో ముందుకు సాగాలని ఆకాంక్షించారు. ఈ కార్యక్రమంలో శ్రీరాంపూర్ బీసీ అసోసియేషన్ కోశాధికారి మల్లేష్, నాయకులు సాంబయ్య, ఎస్‌అండ్‌పీసీ విభాగ కార్యదర్శి కారుకూరి స్వామి, శ్రీనివాస్, పిట్ కార్యదర్శులు వినోద్, మనోజ్, సందీప్, సత్యనారాయణ, లక్ష్మయ్య, ఎస్‌అండ్‌పీసీ సిబ్బంది, కార్మికులు పాల్గొన్నారు.

సోన్, ఆర్.కె న్యూస్: సోన్ మండలంలోని మాదాపూర్ గ్రామానికి చెందిన బాధిత కుటుంబాలను బుధవారం బీఆర్ఎస్ నిర్మల్ నియోజకవర్గ ఇన్‌ఛార్జ్ రామ్‌కిషన్ రెడ్డి పరామర్శించారు. గత శుక్రవారం జరిగిన రోడ్డు ప్రమాదంలో మరణించిన దేవుల అక్షయ్, పడాల మహేష్‌ల కుటుంబాలను సందర్శించి, మృతుల తల్లిదండ్రులను, కుటుంబ సభ్యులను ప్రమాద వివరాలు అడిగి తెలుసుకున్నారు. అనంతరం తన ప్రగాఢ సానుభూతిని వ్యక్తం చేస్తూ, కుటుంబ సభ్యులు మనోధైర్యంతో ఉండాలని ఓదార్చారు. ఆయన వెంట బీఆర్ఎస్ సోన్ మండల అధ్యక్షుడు సాయారెడ్డి, మహేశ్వర్ రెడ్డి, ముత్యం రెడ్డి, సల్ల ప్రశాంత్ తదితరులు ఉన్నారు.

🔴 ఎస్టీ బాలుర వసతిగృహంలో ఘనంగా కాళోజి నారాయణరావు జయంతి

మంచిర్యాల, ఆర్.కె న్యూస్: ప్రజాకవి కాళోజి నారాయణరావు తన రచనలు, కవిత్వం ద్వారా ప్రజా సమస్యలను, సామాజిక అసమానతలను నిర్భయంగా ఎత్తిచూపిన గొప్ప పోరాటయోధుడు అని ఐక్య విద్యార్థి సంఘాల నాయకుడు చిప్పకుర్తి శ్రీనివాస్ కొనియాడారు. ప్రజాకవి, తెలంగాణ ఉద్యమ స్ఫూర్తి ప్రదాత కాళోజి నారాయణరావు జయంతిని పురస్కరించుకుని మంచిర్యాల జిల్లా కేంద్రంలోని ఎస్టీ బాలుర వసతిగృహంలో ఐక్య విద్యార్థి సంఘాల ఆధ్వర్యంలో వేడుకలు నిర్వహించారు. ఈ సందర్భంగా కాళోజి చిత్రపటానికి పూలమాలలు వేసి ఘనంగా నివాళులర్పించారు. తెలంగాణ ప్రజల హక్కుల కోసం కాళోజి చేసిన రాజీలేని పోరాటం, ప్రజల్లో చైతన్యాన్ని రగిలించిన ఆయన సాహిత్యం నేటి తరానికి నిరంతర స్ఫూర్తిదాయకమని శ్రీనివాస్ పేర్కొన్నారు. కాళోజి ఆశయ సాధనకు విద్యార్థులు, యువత సామాజిక బాధ్యతతో ముందుకు సాగాలని పిలుపునిచ్చారు. విద్యార్థుల సమస్యల పరిష్కారం, సామాజిక న్యాయం, సమానత్వం కోసం ఐక్యంగా పోరాడాలని సూచించారు. కాళోజి జయంతిని తెలంగాణ భాషా దినోత్సవంతో పాటు ప్రజా చైతన్య దినోత్సవంగా నిర్వహించాలని, ఆయన సాహిత్య సంపదను విద్యార్థులకు మరింత చేరువ చేయాల్సిన బాధ్యత ప్రభుత్వంపై ఉందని స్పష్టం చేశారు. ఈ కార్యక్రమంలో ఐక్య విద్యార్థి సంఘాల నాయకులు పూరెళ్ల నీతిష్, బచ్చలి అభిరామ్, గార కుమార్, వసతిగృహ విద్యార్థులు పాల్గొన్నారు.

• శ్రీరాంపూర్ జీఎం మునిగంటి శ్రీనివాస్
• ఎక్స్‌ప్లోజివ్స్ వినియోగం, భద్రతపై గనుల అధికారులతో సమీక్ష సమావేశం

నస్పూర్, ఆర్.కె న్యూస్: ఉత్పత్తి కంటే రక్షణే ముఖ్యం… రక్షణ లేని ఉత్పత్తి వ్యర్థం అని శ్రీరాంపూర్ ఏరియా జనరల్ మేనేజర్ మునిగంటి శ్రీనివాస్ స్పష్టం చేశారు. ఎక్స్‌ప్లోజివ్స్ వినియోగం, ప్రమాదాల నివారణపై ఏరియాలోని అన్ని గనుల ఏజెంట్లు, ప్రాజెక్ట్ అధికారులు, మేనేజర్లతో మంగళవారం ప్రత్యేక సమీక్షా సమావేశం నిర్వహించారు. పని ప్రదేశాలలో ఉద్యోగుల భద్రతకే ప్రథమ ప్రాధాన్యత ఇవ్వాలని సూచించారు. గనుల్లో రూఫ్ ఫాల్, సైడ్ ఫాల్, హాలేజ్ వంటి ప్రమాదాలు జరగకుండా ముందస్తు రక్షణ చర్యలు పకడ్బందీగా అమలు చేయాలని ఆదేశించారు. ముఖ్యంగా ఎక్స్‌ప్లోజివ్స్, ఎలక్ట్రికల్ ప్రమాదాల నివారణలో అత్యంత అప్రమత్తత అవసరమని, వీటి విషయంలో డీజీఎంఎస్ నిబంధనల నుంచి ఎలాంటి మినహాయింపులు ఉండవని జీఎం హెచ్చరించారు. ఎలక్ట్రానిక్ డిటోనేటర్ల సమర్థవంతమైన వినియోగంపై షాట్ ఫైరర్లు, మైనింగ్ సర్దార్లు, సూపర్‌వైజర్లకు గనుల వారీగా ప్రత్యేక శిక్షణ ఇవ్వాలని అధికారులను ఆదేశించారు. గనులకు సరఫరా అయ్యే ఎక్స్‌ప్లోజివ్స్ నాణ్యతను పరిశీలించి, లోపాలు లేదా డ్యామేజ్ ఉన్నవాటిని తక్షణమే సప్లయర్లకు తిప్పి పంపాలని స్పష్టం చేశారు. రోజూ ఫీల్డ్ సిబ్బంది నుంచి నివేదికలు తీసుకుంటూ మిస్‌ఫైర్, నో బ్లాస్ట్ వంటి సమస్యలు తలెత్తకుండా సరఫరాదారులతో సమన్వయం చేసుకోవాలని తెలిపారు. అవర్ ఎయిమ్ జీరో హార్మ్ లక్ష్యంగా రక్షణతో కూడిన బొగ్గు ఉత్పత్తి సాధించాలని పిలుపునిచ్చారు. ఈ సమావేశంలో ఎస్వో టు జీఎం కృష్ణ ప్రసాద్, ఏరియా ఇంజనీర్ సురేష్, ఏజీఎం (ఫైనాన్స్) శ్రీధర్, ఐకే ఓసీ పీవో ఏవీ రెడ్డి, ఆర్.కె గ్రూప్ ఏజెంట్ శ్రీధర్, ఎస్‌ఆర్‌పీ గ్రూప్ ఏజెంట్ రవికుమార్, డీజీఎం (పర్సనల్) అనిల్ కుమార్, డీజీఎం (సేఫ్టీ) విజయ్ కుమార్, డీజీఎం (స్టోర్స్) మల్లయ్య, వివిధ గనుల మేనేజర్లు, అధికారులు పాల్గొన్నారు.

🔴 బీఎంఎస్ ఏరియా వైస్ ప్రెసిడెంట్ నాతాడి శ్రీధర్ రెడ్డి

🟢 జీఎం మునిగంటి శ్రీనివాస్‌కు వినతిపత్రం అందజేత

నస్పూర్, ఆర్.కె న్యూస్: దసరా ఉత్సవాల సందర్భంగా సింగరేణిలోని ఇతర ప్రాంతాల్లో మాదిరిగానే శ్రీరాంపూర్ ఏరియాలోనూ రామ్‌లీలా కార్యక్రమాన్ని యాజమాన్యమే అధికారికంగా నిర్వహించాలని బీఎంఎస్ శ్రీరాంపూర్ ఏరియా వైస్ ప్రెసిడెంట్ నాతాడి శ్రీధర్ రెడ్డి డిమాండ్ చేశారు. ఈ మేరకు మంగళవారం జీఎం కార్యాలయంలో శ్రీరాంపూర్ జనరల్ మేనేజర్ మునిగంటి శ్రీనివాస్‌ను కలిసి బీఎంఎస్ ప్రతినిధి బృందం వినతిపత్రం సమర్పించింది. ఈ సందర్భంగా నాతాడి శ్రీధర్ రెడ్డి మాట్లాడుతూ, బొగ్గు గని కార్మికులు, వారి కుటుంబాలు ఎంతో భక్తిశ్రద్ధలతో జరుపుకునే దసరా పండుగ జరుపుకుంటారని, శ్రీరాంపూర్ పరిధిలోని కార్మికుల కోసం రామ్‌లీలా కార్యక్రమాన్ని ఘనంగా నిర్వహించేందుకు ప్రగతి స్టేడియాన్ని కేటాయించాలని కోరారు. ఈ కార్యక్రమంలో బీఎంఎస్ శ్రీరాంపూర్ ఏరియా సెక్రటరీ రాజారాం కిరణ్ కుమార్, హిందూ ఉత్సవ సమితి అధ్యక్షుడు ఎర్రం తిరుపతి, ఆర్గనైజింగ్ సెక్రటరీ మిట్ట మధుకర్, ఎస్సార్పీ-3 పిట్ సెక్రటరీ భుంపల్లి రమేష్, ఆర్‌కే-5 పిట్ సెక్రటరీ కుమ్మరి చంద్రశేఖర్, ఆర్‌కే-7 పిట్ సెక్రటరీ కుంట రాజు, పిట్ కో-ఆర్డినేటర్ కంపెల్లి తిరుపతి, ఎస్సార్పీ-3 అసిస్టెంట్ పిట్ సెక్రటరీ చల్ల శ్రీనివాస్ తదితరులు పాల్గొన్నారు.

శ్రీరాంపూర్ జడ్పీ హైస్కూల్‌లో అల్పాహార పంపిణీ ప్రారంభించిన మంచిర్యాల మేయర్ ధర్ని మధుకర్

నస్పూర్, ఆర్.కె న్యూస్: ప్రభుత్వ పాఠశాలల్లో చదువుతున్న విద్యార్థులకు నాణ్యమైన విద్యతో పాటు పౌష్టికాహారంతో కూడిన అల్పాహారం అందించడం ద్వారా వారి ఆరోగ్యం మెరుగుపడి, విద్యాభ్యాసంపై సానుకూల ప్రభావం చూపుతుందని మంచిర్యాల నగర మేయర్ ధర్ని మధుకర్ పేర్కొన్నారు. మంచిర్యాల మున్సిపల్ కార్పొరేషన్ పరిధిలోని 31వ డివిజన్ శ్రీరాంపూర్ జిల్లా పరిషత్ ఉన్నత పాఠశాలలో తెలంగాణ రాష్ట్ర ప్రభుత్వం, హరే కృష్ణ ఫౌండేషన్ సంయుక్త ఆధ్వర్యంలో చేపట్టిన ఉచిత అల్పాహార పంపిణీ కార్యక్రమాన్ని స్థానిక కార్పొరేటర్ తాళ్ళ సంపత్ రెడ్డితో కలిసి ప్రారంభించారు. మంచిర్యాల శాసనసభ్యులు కొక్కిరాల ప్రేమ్‌సాగర్ రావు ప్రత్యేక చొరవ ఫలితంగా నియోజకవర్గంలో రాష్ట్రంలోనే నాలుగో సెంట్రలైజ్డ్ కిచెన్ ఏర్పాటు కావడం హర్షణీయమని మేయర్ తెలిపారు. విద్యార్థుల సంక్షేమం, విద్యాభివృద్ధికి రాష్ట్ర ప్రభుత్వం అమలు చేస్తున్న పథకాలు అభినందనీయమన్నారు. ప్రభుత్వ పాఠశాలల్లో మౌలిక వసతుల కల్పనకు తన వంతు సహకారం ఎల్లప్పుడూ ఉంటుందని హామీ ఇచ్చారు. విద్యార్థుల శ్రేయస్సు కోసం కృషి చేస్తున్న ప్రభుత్వానికి, హరే కృష్ణ ఫౌండేషన్‌కు, ఎమ్మెల్యే ప్రేమ్‌సాగర్ రావుకు కృతజ్ఞతలు తెలిపారు. ఈ కార్యక్రమంలో పాఠశాల ప్రధానోపాధ్యాయులు, ఉపాధ్యాయులు, విద్యార్థులు, సంబంధిత అధికారులు, ప్రజాప్రతినిధులు పాల్గొన్నారు.

రాష్ట్రీయ కిషోర్ స్వాస్థ్య కరపత్రాల విడుదల: డీఎంహెచ్‌వో డాక్టర్ నరేందర్ రాథోడ్

నస్పూర్, ఆర్.కె న్యూస్: కౌమార దశలో బాలబాలికలకు శారీరక, మానసిక మార్పులపై పూర్తిస్థాయి అవగాహన కల్పించడంతో పాటు నమ్మకం, గోప్యతతో కూడిన సలహాలు అందించినప్పుడే ఆరోగ్యకరమైన సమాజ నిర్మాణం సాధ్యం” అని మంచిర్యాల జిల్లా వైద్య ఆరోగ్యశాఖ అధికారి (డీఎంహెచ్‌వో) డాక్టర్ నరేందర్ రాథోడ్ పేర్కొన్నారు. జిల్లా వైద్య ఆరోగ్యశాఖ కార్యాలయంలో మంగళవారం రాష్ట్రీయ కిషోర్ స్వాస్థ్య కార్యక్రమంలో భాగంగా 10 నుంచి 19 ఏళ్ల లోపు బాలబాలికలకు ఉద్దేశించిన ప్రచార కరపత్రాలు, పోస్టర్లను ఆవిష్కరించారు. ఈ సందర్భంగా ఆయన మాట్లాడుతూ జిల్లాలోని అన్ని ప్రాథమిక ఆరోగ్య కేంద్రాలు, ఆయుష్మాన్ ఆరోగ్య మందిర్‌లు, పాఠశాలల్లో పీర్ గ్రూప్ ద్వారా విస్తృత అవగాహన కార్యక్రమాలు నిర్వహిస్తున్నట్లు వెల్లడించారు. కౌమార బాలబాలికల్లో రక్తహీనత, పోషకాహార లోపం నివారణకు తీసుకోవాల్సిన ఆహారపు అలవాట్లు, రుతుస్రావ పరిశుభ్రత, మానసిక ఒత్తిడి, కోపం వంటి సమస్యల పరిష్కారానికి క్లినిక్‌ల ద్వారా కౌన్సిలింగ్ అందిస్తున్నట్లు తెలిపారు. మద్యం, ధూమపానం, గంజాయి వంటి మత్తు పదార్థాల బారిన పడకుండా విద్యార్థులకు మార్గదర్శనం చేయాలన్నారు. బాలబాలికలకు గుడ్ టచ్, బ్యాడ్ టచ్ పై స్పష్టమైన అవగాహన కల్పించాలని సూచించారు. ఎవరైనా అనుచితంగా ప్రవర్తిస్తే గట్టిగా ప్రతిఘటించాలని, నమ్మకమైన పెద్దలకు చెప్పడంతో పాటు టోల్‌ఫ్రీ నంబర్ 1098కు సమాచారం ఇవ్వాలని కోరారు. బాల్య వివాహాల వల్ల కలిగే దుష్పరిణామాలపై ప్రజల్లో చైతన్యం తీసుకురావాలని డీఎంహెచ్‌వో పిలుపునిచ్చారు. 18 ఏళ్ల లోపు ఆడపిల్లలకు, 21 ఏళ్ల లోపు మగపిల్లలకు పెళ్లిళ్లు చేయడం చట్టరీత్యా నేరమని, ఉల్లంఘిస్తే రెండేళ్ల జైలు శిక్షతో పాటు లక్ష రూపాయల జరిమానా ఉంటుందని హెచ్చరించారు. బాల్య వివాహాల వల్ల అకాల గర్భం, ప్రసూతి మరణాలు, శిశు మరణాలు సంభవిస్తాయని ఆందోళన వ్యక్తం చేశారు. క్షేత్రస్థాయిలో ఈ చైతన్య కార్యక్రమాలను ముమ్మరంగా నిర్వహించాలని మాస్ మీడియా విభాగాన్ని ఆదేశించారు. ఈ కార్యక్రమంలో ఉప జిల్లా వైద్య ఆరోగ్యశాఖ అధికారి డాక్టర్ సుధాకర్ నాయక్, ప్రోగ్రామ్ ఆఫీసర్ డాక్టర్ అనిల్, జిల్లా మాస్ మీడియా అధికారి బుక్క వెంకటేశ్వర్, సీహెచ్‌వోలు కాకిరాల వెంకటేశ్వర్లు, పుట్టా సత్తయ్య, శ్రీనివాస్, పద్మ, సుమన్, లక్ష్మణస్వామి పాల్గొన్నారు.

అనుమతులు తప్పనిసరి.. డీజేలకు అనుమతి లేదు:మంచిర్యాల రూరల్ సీఐ గోపతి రవీందర్

నస్పూర్, ఆర్.కె న్యూస్: పోలీస్ నిబంధనలు పాటిస్తూ గణేష్ నవరాత్రి ఉత్సవాలను ప్రశాంత వాతావరణంలో జరుపుకోవాలని మంచిర్యాల రూరల్ సీఐ గోపతి రవీందర్ సూచించారు. మంగళవారం సీసీసీ నస్పూర్ పోలీస్ స్టేషన్ ఆవరణలో గణేష్ మండపాల నిర్వాహకులతో అవగాహన సమావేశం నిర్వహించారు. నిర్వాహకులు ముందుగా ఆన్‌లైన్ ద్వారా దరఖాస్తు చేసుకుని పోలీస్ శాఖ నుంచి అధికారిక అనుమతి పత్రం తప్పనిసరిగా పొందాలని స్పష్టం చేశారు. ముందస్తు అనుమతి లేకుండా విగ్రహాలు ప్రతిష్టించరాదని తెలిపారు. శాంతిభద్రతల దృష్ట్యా మండపాల వద్ద డీజేలకు అనుమతి లేదని, కేవలం భక్తి పాటలు మాత్రమే వేసుకోవాలని పేర్కొన్నారు. మద్యం సేవించడం, లక్కీ డ్రాలు నిర్వహించడం, రాజకీయ ప్రసంగాలు చేయడం వంటి చర్యలకు పాల్పడితే కఠిన చర్యలు ఉంటాయని హెచ్చరించారు. భద్రత కోసం ప్రతి మండపం వద్ద సీసీ కెమెరాలు తప్పనిసరిగా ఏర్పాటు చేసుకోవాలని సూచించారు. ఈ సమావేశంలో సీసీసీ నస్పూర్ ఎస్సై మేకల ప్రశాంత్, పోలీస్ సిబ్బంది, గణేష్ మండపాల నిర్వాహకులు పాల్గొన్నారు.