నస్పూర్, ఆర్.కె న్యూస్: మంచిర్యాల మున్సిపల్ కార్పొరేషన్ కార్యాలయంలో ఆఫీస్ బాయ్‌గా విధులు నిర్వహిస్తున్న హబీబ్ బ్రెయిన్ స్ట్రోక్‌‌కు గురై హైదరాబాద్‌లోని నిమ్స్ ఆసుపత్రిలో చికిత్స పొందుతున్నారు. ఈ విషయం తెలుసుకున్న మంచిర్యాల మున్సిపల్ కార్పొరేషన్ మేయర్ ధర్ని మధుకర్, కార్పొరేటర్ సుదమల్ల హరికృష్ణతో కలిసి గురువారం నిమ్స్‌కు వెళ్లి హబీబ్‌ను పరామర్శించారు.  ఆయన ఆరోగ్య పరిస్థితిపై వైద్యులను అడిగి తెలుసుకున్న మేయర్, మెరుగైన వైద్య సేవలు అందించాలని కోరారు. అనంతరం బాధిత కుటుంబ సభ్యులతో మాట్లాడి ధైర్యం చెప్పారు. మేయర్ వెంట మంచిర్యాలకు చెందిన పలువురు కాంగ్రెస్ నాయకులు ఉన్నారు.