సోన్, ఆర్.కె న్యూస్: గ్రామీణ ప్రాంతాల్లో వైద్య సేవలు అందిస్తున్న ఆర్ఎంపీ వైద్యులను ప్రభుత్వం ఆదుకోవాలని కోరుతూ గురువారం సోన్ తహసీల్దార్ సంతోష్‌కు గ్రామీణ వైద్యులు వినతిపత్రం అందజేశారు. ఈ సందర్భంగా ఆర్ఎంపీ వైద్యుల సంఘం సోన్ మండల అధ్యక్షుడు పత్తి రాజు మాట్లాడుతూ.. రాష్ట్ర ప్రభుత్వం ఎన్నికల మేనిఫెస్టోలో పేర్కొన్న విధంగా గ్రామీణ వైద్యులకు సర్టిఫికెట్లు జారీ చేయాలని, వారికి తగిన జీవనభృతి కల్పించాలని కోరారు. ఈ కార్యక్రమంలో మండలంలోని పలు గ్రామాల ఆర్ఎంపీ వైద్యుల సంఘ సభ్యులు పాల్గొన్నారు.