40 కిలోల లడ్డూను నెత్తిన మోసి ర్యాలీలో పాల్గొన్న మేయర్ ధర్ని మధుకర్
నస్పూర్, ఆర్.కె న్యూస్: మంచిర్యాల మున్సిపల్ కార్పొరేషన్ పరిధిలోని 35వ డివిజన్ షిర్కే కాలనీలో శ్రీ లక్ష్మీ గణేష్ మండలి 
ఆధ్వర్యంలో గత 23 ఏళ్లుగా ప్రతిష్ఠిస్తున్న భారీ గణనాథుని శోభాయాత్ర భక్తిశ్రద్ధలు, కోలాహలం నడుమ ఘనంగా జరిగింది. ఈ శోభాయాత్రను మంచిర్యాల నగర మేయర్ ధర్ని మధుకర్, కాంగ్రెస్ పార్టీ కార్పొరేషన్ అధ్యక్షుడు, కార్పొరేటర్ తూముల నరేష్‌తో కలిసి ప్రారంభించారు. ఈ సందర్భంగా గణనాథునికి మేయర్ ప్రత్యేక పూజలు నిర్వహించి, కాలనీ ప్రజలకు వినాయక చవితి శుభాకాంక్షలు తెలిపారు. అనంతరం నిర్వహించిన ర్యాలీలో మేయర్ ధర్ని మధుకర్ గణపతికి నైవేద్యంగా సమర్పించిన భారీ 40 కిలోల లడ్డూను స్వయంగా తన నెత్తిన మోస్తూ భక్తులతో కలిసి అడుగులు వేయడం ప్రత్యేక ఆకర్షణగా నిలిచింది. గత 23 సంవత్సరాలుగా సాంప్రదాయబద్ధంగా ఉత్సవాలు నిర్వహిస్తూ కాలనీలో భక్తి, ఐక్యతను చాటుతున్న మండలి నిర్వాహకులను ఆయన ప్రత్యేకంగా అభినందించారు. విఘ్నేశ్వరుని కృపతో నగర ప్రజలంతా సుఖసంతోషాలు, ఆయురారోగ్యాలతో వర్ధిల్లాలని ఆకాంక్షించారు. ఈ కార్యక్రమంలో కార్పొరేటర్లు మర్రి శ్రీలత-రాజమొగిలి, అగ్గు సాగర్, శ్రీ లక్ష్మీ గణేష్ మండలి సభ్యులు, నాయకులు, మహిళలు, కాలనీవాసులు పాల్గొన్నారు.
మహాగణపతిని టీఎన్జీవో హౌసింగ్ సొసైటీ జిల్లా అధ్యక్షుడు గడియారం శ్రీహరి ఆధ్వర్యంలో వైభవంగా ప్రతిష్ఠించి, ప్రత్యేక పూజలు నిర్వహించారు. ఈ సందర్భంగా గడియారం శ్రీహరి మాట్లాడుతూ, వినాయక చవితి పర్వదినం వేళ ప్రతి ఒక్కరూ మట్టి వినాయకులనే పూజించాలని పిలుపునిచ్చారు. మట్టి విగ్రహాలను నిమజ్జనం చేయడం వల్ల నదులు, చెరువుల నీరు కలుషితం కాకుండా ప్రకృతి రక్షించబడుతుందన్నారు. ప్లాస్టర్ ఆఫ్ ప్యారిస్ (పీవోపీ), రసాయన రంగుల విగ్రహాల వల్ల క్యాన్సర్ వంటి ప్రాణాంతక వ్యాధులు ప్రబలే ప్రమాదం ఉందని ఆందోళన వ్యక్తం చేశారు. ప్రకృతి మిత్ర రాష్ట్ర అధ్యక్షుడు, పర్యావరణవేత్త గుండేటి యోగేశ్వర్ మాట్లాడుతూ, ప్లాస్టిక్ విపరీత వినియోగం వల్ల పర్యావరణం తీవ్రంగా దెబ్బతింటోందని, పూజా కార్యక్రమాల్లో సింగిల్ యూజ్ ప్లాస్టిక్‌ను పూర్తిగా నిషేధించి స్టీల్ పాత్రలు, ఆకు దొన్నెలు వినియోగించాలని సూచించారు. ఈ పూజా కార్యక్రమాల్లో టీఎన్జీవో హౌసింగ్ సొసైటీ కార్యదర్శి హబీబ్ హుస్సేన్, ఉపాధ్యక్షులు తిరుపతి, ఎన్. సత్యనారాయణ, సొసైటీ నాయకులు పుప్పాల హనుమంతరావు, పొన్న మల్లయ్య, శ్రీపతి బాపురావు, బొడ్డు శ్రావణ్ కుమార్, భూముల రామ్మోహన్, సైండ్ల మొండయ్య, నాగేశ్వరరావు, తిరుపతి రెడ్డి, సునీత, లక్ష్మీరాజయ్య, మల్లికార్జున్, కాలనీ మహిళలు, స్థానికులు పెద్ద సంఖ్యలో పాల్గొన్నారు.
సిద్ధి వినాయక గణేష్ మండలి ఆవరణలో ఆదివారం ప్రకృతి మిత్ర ఆధ్వర్యంలో 200 మట్టి వినాయక విగ్రహాలను ఉచితంగా పంపిణీ చేశారు. ఈ సందర్భంగా యోగేశ్వర్ మాట్లాడుతూ.. ప్లాస్టర్ ఆఫ్ ప్యారిస్ విగ్రహాల వల్ల నీటిలోని ఆక్సిజన్ శాతం తగ్గి జలచరాలు, ఆ నీరు తాగే పక్షులు, మూగజీవాలు మృత్యువాత పడుతున్నాయని ఆవేదన వ్యక్తం చేశారు. రసాయన రంగులతో విగ్రహాలు తయారు చేసే కార్మికులు తీవ్ర అనారోగ్యాల బారిన పడుతున్నారని తెలిపారు. నవరాత్రి పూజల్లో మహిళలు ప్లాస్టిక్ బుట్టల స్థానంలో వెదురు, స్టీలు బుట్టలను, ప్రసాదాల వితరణకు ఆకు డొప్పలను వినియోగించాలని సూచించారు. టీఎన్జీవోస్ జిల్లా అధ్యక్షుడు గడియారం శ్రీహరి మాట్లాడుతూ.. సిద్ధి వినాయక గణేష్ మండలి వేడుకల్లో సింగిల్ యూజ్ ప్లాస్టిక్‌ను పూర్తిగా నిషేధించి, పర్యావరణ హితంగా నిర్వహిస్తామని స్పష్టం చేశారు. మట్టి విగ్రహాల పంపిణీ చేపట్టిన గుండెటి యోగేశ్వర్‌ను ఆయన ప్రత్యేకంగా అభినందించారు. నెక్స్ ఐరా ఐటీ కంపెనీ ఎండీ మోతే శరత్ చంద్ర మాట్లాడుతూ.. పర్యావరణ పరిరక్షణకు దోహదపడే ఇలాంటి మంచి కార్యక్రమాలకు తనవంతు సహకారం ఎల్లప్పుడూ ఉంటుందని తెలిపారు. ఈ కార్యక్రమంలో టీఎన్జీవోస్ ముఖ్య నాయకులు పొన్న మల్లయ్య, శ్రీపతి బాబురావు, బి. రామ్మోహన్, కే. నాగేశ్వరరావు, ఎస్. మొండయ్య, ఎన్. సత్యనారాయణ, టి. తిరుపతి, జి. వెంకటేశం, ప్రకృతి మిత్ర సభ్యులు, కాలనీవాసులు పాల్గొన్నారు.
పరిధిలోని 14వ డివిజన్ పాత మంచిర్యాలలోని పురాతన శ్రీ రామాలయం–శివాలయం–భక్త ఆంజనేయ స్వామి దేవస్థాన ప్రాంగణంలో సుమారు రూ.30 లక్షల వ్యయంతో నిర్మించనున్న కమ్యూనిటీ హాల్ పనులకు ఆయన ముఖ్య అతిథిగా హాజరై శంకుస్థాపన చేశారు. ఈ సందర్భంగా ఎమ్మెల్యే మాట్లాడుతూ పవిత్రమైన ఆలయ ప్రాంగణంలో కమ్యూనిటీ హాల్ నిర్మాణానికి భూమిపూజ చేయడం ఎంతో సంతోషాన్ని ఇచ్చిందన్నారు. ప్రజల మౌలిక వసతుల కల్పన దిశగా అభివృద్ధి కార్యక్రమాలను మరింత వేగవంతం చేస్తామని తెలిపారు. అనంతరం కుమ్మరి సంఘం ఆధ్వర్యంలో తయారు చేసిన పర్యావరణహిత మట్టి వినాయక విగ్రహాలను ఎమ్మెల్యే భక్తులకు పంపిణీ చేశారు. ప్రకృతిని, జలాశయాలను కాపాడేందుకు మట్టి విగ్రహాలను ప్రోత్సహించడం అభినందనీయమని పేర్కొన్నారు. ఈ సందర్భంగా కాంగ్రెస్ పార్టీ కార్పొరేషన్ అధ్యక్షుడు, స్థానిక కార్పొరేటర్ తూముల నరేష్, డివిజన్ నాయకులు, స్థానిక ప్రజలు ఎమ్మెల్యే ప్రేమ్‌సాగర్ రావును శాలువాతో ఘనంగా సత్కరించారు. ఈ కార్యక్రమంలో టీపీసీసీ ఉపాధ్యక్షులు చిట్ల సత్యనారాయణ, మంచిర్యాల కార్పొరేషన్ మేయర్ ధర్ని మధుకర్, వ్యవసాయ మార్కెట్ కమిటీ చైర్మన్ రామగిరి బానేష్, మున్సిపల్ మాజీ వైస్ చైర్మన్ సల్ల మహేష్, కార్పొరేటర్లు, పార్టీ జిల్లా, డివిజన్ నాయకులు, మార్కెట్ కమిటీ డైరెక్టర్లు, సింగిల్ విండో డైరెక్టర్లు, స్థానికులు పాల్గొన్నారు.